ခင်ပွန်းကြီးဆယ်ပါး ပြဿနာ

 Aye Chan Mon‘s photo.

ခင်ပွန်းကြီးဆယ်ပါး ပြဿနာ

(၁)
စာပေဗိမာန်က ထုတ်သော စာအုပ်တစ်အုပ်တွင်“ခင်ပွန်းကြီးဆယ်ပါးအား ရှိခိုးပါ၏’’ ဟု တွေ့ လိုက်ရရာကျွန်တော် ဤဆောင်းပါးကို မရေးပဲမနေနိုင်တာ့။

(၂)
ခင်ပွန်းဆယ်ပါးဟူသည် အဘယ်နည်း။
ခင်ပွန်းဆယ်ပါးကို အစောဆုံးရေတွက်ပြခဲ့သည့်တောင်တွင်းမင်းကျောင်းဆရာတော်၏ ကန်တော်မင်းကျောင်းမေတ္တာစာ အဖြေကျမ်းတွင်”မပြစ်မှားရာသော ခင်ပွန်းတို့ ကား

(၁) ဘုရား
(၂) ပစ္စေကဗုဒ္ဓါ
(၃) ရဟန္တာ
(၄) အဂ္ဂသာဝက
(၅) အမိ
(၆) အဘ
(၇) ဆ၇ာ
(၈) အသက်ကြီးသသူ
(၉) တရားပေးသသူ
(၁၀) အဝတ်အစား ၊ အသုံးအဆောင်ကိုပေးသသူ

ဟူ၍ တစ်ကျိပ်တည်း-ဟုတွေ့ ရသည်။ နောက် ဆရာတို့ သည်ခင်ပွန်းကြီးဆယ်ပါး နှင့် ပတ်သက်လျှင် ထိုကျမ်းကိုကိုးကားကြသည် ထင်ပါသည်။

ဥပမာအားဖြင့် ဆရာတော် မင်းပူးဦးသြဘာသ ၏တေမိယဇာတ်တော်ကြီးတွင် “ဤလောက၌ ချစ်ခြင်းမေတ္တာကိုတစ်နေ့ မခြား ပွားစေအပ်သောသူကား

(၁) သဗ္ဗညုမြတ်စွာဘုရား
(၂) ပစ္စေက ဗုဒ္ဓါ
(၃) ကိလောကုန်ပြီးသော ရဟန္တာ
(၄) မြတ်စွာဘုရားတို့ ၏ လက်ယာရံ၊လက်ဝဲရံဖြစ်သော
အဂ္ဂသာဝက အရှင်မြတ်
(၅) အမိ
(၆) အဘ
(၇) အရွယ်ကြီးခြင်း ၊ အမျိုးမြတ်ခြင်း ၊ ပညာကြီးခြင်း
သီလသမာဓိရှိခြင်း အစရှိသော ဂုဏ်တို့ ကြောင့်
အလေးအမြတ်ပြုအပ်သောသူ
(၈) အကျိုးအကြောင်းကို ဆုံးမသွန်သင် ပဲ့ပြင်စေတတ်သောသူ
(၉) ထမင်းအဖျော် ၊ အိပ်ရာနေရာ ၊ အဝတ်ပုဆိုး စသည်
တစ်စုံတစ်ခု ပစ္စည်းအာမိသတို့ ကို ပေးဖူးပေသောသူ
(၁၀) သူခပ်သိမ်းတို့ ကို ကိုသိုလ်တရားပွားများစေခြင်းငှာ
တရားဟောပေးသောသူ”

ဟု တွေ့ ရပါသည်။

ထိုစကားသည် ”အဆွေခင်ပွန်းကို မပြစ်မှားသောသူသည်အစားအစာပေါများ၏။ အရပ်တစ်ပါးသို့ ရောက်သော်လည်းစီးပွားချမ်းသာ မယုတ်။ သူခပ်သိမ်းတို့ ၏မှီခိုအားထားရာဖြစ်မည်”ဟူသော မူရင်းစကားကို ချဲ့ ထွင်ဆိုထားသော စကားဖြစ်ပါသည်။

ခင်ပွန်းဆယ်ပါး ရေတွက်ပုံမှာ တောင်တွင်းနှင့် မင်းပူး အကွဲအလွဲမရှိပါ။

(၃)
ဗုဒ္ဓါ ပစ္စေက ဗုဒ္ဓါ စ၊
အရဟန္တာ အဂ္ဂသာဝကာ။
မာတာ ပိတု ဂုရု သတ္တာ
ဓမ္မဒေသနာ စ ဒါယကာ။
ဣမေဒသ မဟာဂုဏေ
အဟဲ ဝန္ဒာမိ သဗ္ဗဒါ။

ခင်ပွန်းဆယ်ပါးရှိလျှင် ခင်ပွန်းဆယ်ပါး ရှိခိုးဂါထာကလေးလည်းရှိမှကောင်းမည်။ဤသို့ စိတ်ကူးမိသော ပညာရှိသည် ခင်ပွန်းဆယ်ပါး ရှိခိုးလင်္ကာကို အလျင်အမြန် သီဖွဲ့ ခဲ့လိမ့်မည်။

ခင်ပွန်းဆယ်ပါး ရှိခိုးဂါထာသည် ခင်ပွန်းဆယ်ပါး အယူအဆကိုအသေအချာ အသိအမှတ်ပြုလိုက်ခြင်းဖြစ်ပါသည်။ ခိုင်ခံ့သည်ထက်ခိုင်ခံ့အောင် ပြုလိုက်ခြင်းလည်းဖြစ်ပါသည်။ ခင်ပွန်းဆယ်ပါးကို ငါးပါးသီလကဲ့သို့ ၊ ဂုဏ်တော်ကိုးပါးကဲ့ သို့ တိကျသော အရေအတွက်ရှိအောင် လုပ်လိုက်ခြင်းလည်းဖြစ်နေပြန်ပါသည်။

(၄)
ခင်ပွန်းဟူသည် “ပွန်းပွန်းတီးတီး ခင်မင်ရမည့်သူ” ဟူ၍အဓိပ္ပါယ်ရှိပါသည်။မိန်းမတို့ အတွက် ပွန်းပွန်းတီးတီး (လက်ပွန်းတတတီး)ခင်မင်ရမည့်သူမှာလင်ယေက်ျားဖြစ်သည်။ ထို့ ကြောင့်လင်ယေက်ျားကို ခင်ပွန်းဟုခေါ်သည်။အကယ်၍ မောင်နီသည် မောင်ဖြူအတွက် ခင်ပွန်းဖြစ်သည်။အမှန်တော့ အရင်းနှီးဆုံးသော မိတ်ဆွေကို ခင်ပွန်းဟု ခေါ်ခဲ့ကြဟန်ရှိပါသည်။

ခင်ပွန်းဟူသော ဝေါဟာရသည် မြန်မာစကား ပီပီသသ နှင့် ထိမိ၍ လှပသောဝေါဟာရဖြစ်ပါသည်။ သို့ သော် သူသည်လည်းရွေ့ လျားပြောင်းလဲမှုဓမ္မသဘောကို လွန်ဆန်နိုင်သည်မဟုတ်ပါ။ စာပေနှင့် ဘာသာစကားတွင်သူယူခဲ့သော နေရာတော်တော်များများကို “မိတ်ဆွေ” အားပေးလိုက်ရပါသည်။“မိတ်ဆွေ” နှင့် ပူးတွဲကာ “အဆွေခင်ပွန်း” ဟုသုံးစွဲကြပါသေးသည်။သို့ သော် “ခင်ပွန်း” တဖြည်းဖြည်းအမှောင်ဘက်ရောက်သွားသည်။“လင်ယေက်ျား” သည် “ခင်ပွန်း” ကိုနောက်ဆုံးကယ်တင်သူဖြစ်ပါသည်။

ဇနီးမယားတိုင်းက လင်ယေက်ျားကို မိမိ၏ ခင်ပွန်းအဖြစ်သတ်မှတ်ကြသည်။ထိုအခါ အမျိုးသမီးတို့ ၏အမျိုးသား မိတ်ဆွေများကို “ခင်ပွန်း” ဟုမသတ်မှတ်ရဲတော့။ ဤသို့ ဖြင့် ခင်ပွန်းသည် ကျပ်တည်းသော ဝေါဟာရဖြစ်လာခဲ့သည်။ အသုံးနည်းသော ဝေါဟာရ ဖြစ်လာခဲ့ပါသည်။အသုံးနည်းသော မူရင်းအဓိပ္ပါယ်လည်း ငုပ်လျှိုးကွယ်ပျောက်ခဲ့ရပါသည်။

သတ္တနိပါတ် ၊ အဂုင်္တ္တိုရ်တွင် ခင်ပွန်းအင်္ဂါ ခုနှစ်ပါး ပြဆိုထားသည်။ယင်းတို့ မှာ –

၁ – ပေးနိုင်ခဲသော ဝတ္တုကိုပေးခြင်း
၂ – ပြုနိုင်ခဲသော အမှုကိုပြုခြင်း
၃ – သည်းခံနိုင်ခဲသော အမှုကို သည်းခံခြင်း
၎ – လျှို့ ဝှက်သောအမှုကို လျှို့ ဝှက်ခြင်း
၅ – ထင်စွာပြုအပ်သောဂုဏ်ကို ထင်စွာပြုခြင်း
၆ – ဘေးရန်ရှိသောကလ မစွန့် ခြင်း
၇ – ဥစ္စာမရှိ ကုန်ခန်းခဲ့သော်လည်း မထီမဲ့မြင်မပြုခြင်း

ဟု ဖြစ်ပါသည်။

စိတ်ထားမြင့်မြတ်သူတို့ သာ အဆွေခင်ပွန်းကောင်းဖြစ်နိုင်ပါသည်။များစွာသော သူတို့ သည် အဆွေခင်ပွန်းတို့ ၏ကျင့်ဝတ်အင်္ဂါများနှင့်ပြောင်းပြန်ကျင့်ကြပါသည်။ ပေးနိုင်ခဲသော ဝတ္တုကို မပေး။
မယူသင့်သော ဝတ္တုကိုပင် အရယူချေသးသည်။ထိုသို့ သော ပြောင်းပြန်အကျင့်များကြောင့် ခင်ပွန်း၏ အဓိပ္ပါယ်ကလည်းတလွဲဆောင်လာသည်။

မှန်ပါသည် ။ မုံရွေးဆရာတော်၏ မုံရွေးမှတ်စုတွင် “သူ့ ကိုခင်လျှင်ကိုယ်ကပွန်းသောကြောင့် ခင်ပွန်း ခေါ်ကြကုန်၏” ဟု တွေ့ ရပါသည်။ယင်းအဓိပ္ပါယ်ဖြင့် ခင်ပွန်းဆယ်ပါးကို နားလည်မှုလွဲခဲ့သော် … ။

မဖြစ်သင့်တာကို မတွေးဘဲနေတာ ကောင်းပါသည်။

(၅)
သွေးတော်စပ်မှုကြောင့် ခင်ပွန်းဖြစ်သည် မဟုတ်။ တစ်ယောက်နှင့်တစ်ယောက် နားလည်မှုယူ၍ ခင်ပွန်းဖြစ်သည်မဟုတ်။ခင်ပွန်းကျင့်ဝတ် ရှိသူတိုင်းကို ခင်ပွန်းဟု သတ်မှတ်နိုင်စရာအကြောင်း
တော့ရှိပါသည်။ သို့ ရာတွင် ယင်းသည် ခင်ပွန်းအရေအတွက် သရုပ်သင်္ချာကို ရှုပ်ထွေးစေပါသည်။ ခင်ပွန်းဆယ်ပါး၊ ခင်ပွန်းဆယ့်နှစ်ပါး၊ခင်ပွန်းအပါးနှစ်ဆယ် စသည်ရေတွက်၍ဖြစ်နိုင်ပါသည်။ ရေတွက်၍မရဟု ဆိုလာလျှင်လည်း ငြင်းနိုင်မည်မဟုတ်ပါ။သို့ ဖြစ်လျှင် ခင်ပွန်းဆယ်ပါးဟု အဘယ့်ကြောင့် သတ်မှတ်ခဲ့ပါသနည်း။

ခင်ပွန်းဆယ်ပါး ၊ ခင်ပွန်းကြီးဆယ်ပါးဟုအဘယ်ကြောင့် သတ်မှတ်ခဲ့သည်ထက်အဘယ်သူက သတ်မှတ်ခဲ့သည်ဟု ဆန်းစစ်ခြင်းကအမှန်တရားကို ဖော်ထုတ်ရာ၌ အထောက်အကူပိုရပေလိမ့်မည်။

ခင်ပွန်းဆယ်ပါးကို ဘုရား သတ်မှတ်ခဲ့သည် မဟုတ်ပါ။ထေရဝါဒ ကျမ်းတတ်ပုဂ္ဂိုလ်တစ်ဦးဦး(မြန်မာနိုင်ငံက ဖြစ်နိုင်ပါသည်)ကဥာဏ်တော်ကွန့် မြူးထားခြင်းဖြစ်ပါသည်။

ဘုရားဟောမဟုတ်လျှင် ခြွင်းချက်ရှိတတ်သည့် ဓမ္မတာအတိုင်းခင်ပွန်းဆယ်ပါးတွင်လည်း ခြွင်းချက်ရှိနေပါသည်။လုံးတော်ဆရာတော်ဘုရားကြီးက “ကျမ်းဂန်၌ ခင်ပွန်းဆယ်ပါး ဟူ၍မလာသော်လည်း ဤဆယ်ပါးကို ခင်ပွန်းမဟုတ်ဟူ၍လည်းမဆိုရ။ အကယ်၍ဤဆယ်ပါးသာ ခင်ပွန်းဖြစ်ခဲ့အဲ့။ မဟာသာဝကတို့ သည် ခင်ပွန်းမဟုတ်ဟုဆိုရန်ရှိ၏။   ထို့ ကြောင့် ခင်ပွန်းဆယ်ပါးမဟုတ်။ အများပင်ဟူ၍မှတ်ရာ၏”ဟု ခြွင်းချက်ကို ထောက်ပြဝေဖန်ကာ အမှန်ကိုတင်ပြခဲ့ဖူးပါသည်။သို့ ရာတွင် သတိမမူမိကြပါ။

မုဂပက္ခမည်သော တေမိဇာတ်တော်တွင် ခင်ပွန်းအားမပြစ်မှားသောသူတို့ အား ရရာသောအကျိုးကို ဟောတော်မူသောအရာ ၁၀ ဂါထာဟူ၍သာကျမ်းဂန်လာသည်။ ခင်ပွန်း ၁၀ ပါးဟူ၍ ကျမ်းဂန်မရှိ။

လုံးတော်ဆရာတော်သည် ခင်ပွန်းဆယ်ပါးကို အခိုင်အမာငြင်းဆိုပယ်ဖျက်ခဲ့ပါသည်။သို့ ရာတွင် ခင်ပွန်း ၁၀ ပါးသည် အဖြူပေါ်ကျလာသောအစွန်းအထင်းတစ်ခုကဲ့သို့ လွယ်လွယ်ဖြင့် ပယ်ဖျက်၍မရပါ။ တင်ကျန်မြဲတင်ကျန်လျက်ရှိပါသည်။ လုံးတော်ဆရာတော်၏ စကားကို သတိမမူမိသောသူတို့ က ထိုအစွန်းအထင်းကို အလှအပဟု မြင်နေကြပါသေးသည်။

(၆)
အချို့ သောအရာများကို ကန့် သတ်မှကောင်းသည်။ အချို့ သောအရာများကိုမကန့် သတ်မှ ကောင်းသည်။ခင်ပွန်းသည်မကန့် သတ်မှ ကောင်းသောအရာဖြစ်ပါသည်။ထို့ ကြောင့်ဘုရားရှင်က ခင်ပွန်းဆယ်ပါးဟု မကန့် သတ်ခဲ့ပါ။ခင်ပွန်းဆယ်ပါးကို တွေ့ လျှင် အနည်းဆုံး စိတ်ထဲကလက်မခံဘဲ ငြင်းဆိုဖို့ သင့်သည်။အခွင့်သာလျှင် ရှင်းလင်းတင်ပြသင့်သည်။ ခင်ပွန်းကြီး ဆယ်ပါးအား ရှိခိုးပါ၏ …
ဟု အဆန်းအပြားနှင့် တခမ်းတနားကြီး လုပ်မချသင့်ပါ။

မောင်လှိုင်မွှေး

—————————————–

ခင်ပွန်းကြီး ၁၀ပါးအကြောင်းရေးပြီးတာနဲ့  နောက်ဆက်တွဲလေးရှိသေးတာမို့ မသိသေးသူများ သိရအောင် ကျနော်ကိုယ်တိုင် ရိုက်ပြီးတင်ပေးလိုက်ပါတယ် …
ကော်ပီဆိုပေမယ့် အလုပ်တွေများနေတဲ့ကြားက ကျနော်ကိုယ်တိုင် အချိန်ကုန်ခံ စာရိုက်ထားတာပါ …

မည်သည့်ရည်ရွယ်ချက်မှ မရှိပါ

ခင်ပွန်းကြီးဆယ်ပါးအကြောင်းနှင့် ဒီ ပိုစ့်လေးကို ဗဟုသုတအနေဖြင့်သာရေးသားခြင်းဖြစ်ပါသည်။

စေတနာများစွာဖြင့်

ရေးမိရေးရာလေးများ

အေးချမ်းမွန်မှ ရေးမိရေးရာလေးများ တွင်ဖော်ပြသော သတင်းကို မူရင်းအတိုင်းမျှဝေခြင်းဖြစ်ပါသည်

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s