ဗုဒ္ဓဘာသာသာဝင်များနှင့် အစ္စလာမ်ဘာသာဝင်များအကြား ဘာသာရေး အဓိက ရုဏ်းဖန်တီးရန် ရည်ရွယ်၍ ပြင်းထန်စွာ ဆန့်ကျင်ကန့်ကွက်ကြောင်း ကြေညာချက် …

မြန်မာနိုင်ငံသား ဗုဒ္ဓဘာသာသာဝင်များနှင့် အစ္စလာမ်ဘာသာဝင်များအကြား ဘာသာရေး အဓိက ရုဏ်းဖန်တီးရန် ရည်ရွယ်၍ အစ္စလာမ်ဆန့်ကျင်ရေးလုပ်ငန်းများ ဆောင်ရွက်နေခြင်းကို ထပ်မံ၍ ပြင်းထန်စွာ ဆန့်ကျင်ကန့်ကွက်ကြောင်း ကြေညာချက်
================================================

ကျွန်ုပ်တို့ မြန်မာနိုင်ငံသားများသည် ကွဲပြားခြားနားသည့် ဘာသာ၊ သာသနာအယူဝါဒများကို လက်ခံ၊ ကျင့်သုံး၊ လိုက်နာလာခဲ့ကြ သည်မှာ နှစ်ရာစုပေါင်း များစွာ ရှိခဲ့ချေပြီ။ စစ်အာဏာ ရှင်ဟောင်းများ ရေးဆွဲ ပြဌာန်းခဲ့သည့် ၂၀၀၈ ခုနှစ် ဖွဲ့စည်းပုံအခြေခံဥပဒေတွင် ဗုဒ္ဓဘာသာ သာသနာ၊ ခရစ်ယာန်ဘာသာသာသနာ၊ အစ္စလာမ်ဘာသာသာသနာ၊ ဟိန္ဒူဘာသာသာသနာနှင့် နတ်ကိုးကွယ်သောဘာသာတို့ကို မြန်မာနိုင်ငံတော်၏ ကိုးကွယ်ရာဘာသာများအဖြစ် အသိ အမှတ်ပြု ပြဌာန်းထားသည်ကို အောက်ပါအတိုင်း တွေ့ရှိ ရပေသည်။ ၂၀၀၈ ခုနှစ်၊ ဖွဲ့စည်းပုံအခြေခံဥပဒေ၊ ပုဒ်မကြီး ၃၆၁ နှင့် ၃၆၂ တို့တွင် ဖော်ပြထားသည်မှာ

၃၆၁။ နိုင်ငံတော်သည် ဗုဒ္ဓဘာသာသာသနာတော်ကို နိုင်ငံတော်၏ နိုင်ငံသားအများဆုံး ကိုးကွယ် ရာ ဖြစ်သော ဂုဏ်ထူးဝိသေသ နှင့်ပြည့်စုံသည့် ဘာသာသာသနာဖြစ်သည်ဟု နိုင်ငံတော်က အသိ အမှတ်ပြုသည်။

၃၆၂။ နိုင်ငံတော်သည် ခရစ်ယာန်ဘာသာသာသနာ၊ အစ္စလာမ်ဘာသာသာသနာ၊ ဟိန္ဒူဘာသာ သာသနာနှင့် နတ်ကိုးကွယ်သော ဘာသာတို့ကို ဤဖွဲ့စည်းပုံအခြေခံဥပဒေ အာဏာတည်သောနေ့၌ နိုင်ငံတော်တွင်ရှိနေကြသော ကိုးကွယ်ရာဘာသာများဟူ၍ အသိ အမှတ်ပြုသည်။

ထို့ကြောင့် စစ်အာဏာရှင်ဟောင်းများ ပြဌာန်းခဲ့သည့် ၂၀၀၈ ခုနှစ် ဖွဲ့စည်းပုံအခြေခံဥပဒေအရ မြန်မာ နိုင်ငံ သားများအနေနှင့် ၎င်းတို့ ကြိုက်နှစ်သက်ရာ အထက်ဖော်ပြပါ ဘာသာတရား များ အနက်မှ မည်သည့် ဘာသာတရားကိုမဆို လွတ်လပ်စွာ ယုံကြည်၊ လိုက်နာ၊ ကျင့်သုံးခွင့်ရှိကြောင်း သိရှိရပေသည်။ ထို့ပြင် အပြည်ပြည်ဆိုင်ရာ လူ့အခွင့်အရေးကြေညာစာတမ်း၊ အပိုဒ် (၁၈)တွင် လည်း အောက်ပါအတိုင်း ပြဌာန်းထားပေသည်။

“လူတိုင်းတွင် လွတ်လပ်စွာ တွေးခေါ်ကြံဆနိုင်ခွင့်၊ လွတ်လပ်စွာ ခံယူရပ်တည်နိုင်ခွင့်နှင့် လွတ် လပ်စွာ သက်ဝင်ကိုးကွယ်နိုင်ခွင့် ရှိသည်။ အဆိုပါ အခွင့်အရေးများ၌ မိမိကိုးကွယ် သည့်ဘာသာကို သို့တည်းမဟုတ် သက်ဝင်ယုံကြည်ချက်ကို လွတ်လပ်စွာ ပြောင်းလဲနိုင်ခွင့် ပါဝင်သည့်အပြင် မိမိတစ် ယောက်ချင်းဖြစ်စေ၊ အခြားသူများနှင့် စုပေါင်း၍ဖြစ်စေ၊ ပြည်သူအများ ရှေ့မှောက် တွင်သော် လည်းကောင်း၊ ရှေ့မှောက်တွင် မဟုတ်ဘဲသော်လည်းကောင်း၊ မိမိ ကိုးကွယ် သောဘာသာကို သို့တည်းမဟုတ် သက်ဝင်ယုံကြည်ချက်ကို လွတ်လပ်စွာ သင်ပြနိုင်ခွင့်၊ ကျင့်သုံး နိုင်ခွင့်၊ ၀တ်ပြုကိုးကွယ်နိုင်ခွင့်နှင့် ဆောက်တည်နိုင်ခွင့်တို့လည်း ပါဝင်သည်။”

ယခုအခါ မြန်မာနိုင်ငံ၏ အချို့နေရာဒေသများ၌ အစ္စလာမ်ဆန့်ကျင်ရေး၊ မုစ်လင်မ်ဆန့်ကျင်ရေး စာရွက်စာတမ်း၊ လက်ကမ်းကြေညာ စာ ရွက်များ ထုတ်ဝေဖြန့်ချိနေခဲ့ကြခြင်း၊ ဥပဒေဆန်ဆန် အမိန့်ကြေညာစာများ ထုတ်ပြန်နေခဲ့ကြခြင်း၊ အချို့မီဒီယာများဌာနများမှ မသုံးနှုန်း ထိုက်သည့် အသုံးအနှုန်းများကို သုံးနှုန်းနေခြင်းနှင့် မခိုင်လုံသော သတင်းများကို ထည့်သွင်းဖော်ပြနေကြခြင်း၊ တရားဓမ္မပွဲများ၌ မိမိသက်ဝင်ယုံကြည်ရာ ဘာသာတရားနှင့် အလျဉ်း မသက်ဆိုင်သည့် အစ္စလာမ့်ဆန့်ကျင်ရေး၊ မုစ်လင်မ်ဆန့်ကျင်ရေး စကားများကို တရားသဏ္ဍာန်ဖြင့် ဟောပြော ပို့ချနေခြင်းတို့ကို ခိုင်လုံသော အထောက်အထားများဖြင့် လေ့လာ တွေ့ရှိရပေသည်။ ထိုသို့ အစ္စလာမ် ဆန့်ကျင်ရေးများ ဆောင်ရွက်နေခြင်းသည် သက်ဝင်ယုံကြည်မှု ဘာသာတရား ကွဲပြားခြားနားသော ပြည်သူများအကြား အမုန်းတရား များကို ဖြစ်ထွန်းလာစေ၍ တစ်ဖက်နှင့် တစ်ဖက် မုန်းတီးခြင်း၊ ရန်မူခြင်း၊ စိတ်ဝမ်းကွဲခြင်းများ ပေါ်ပေါ်လာရန် အကြောင်းတရားများကို ဖန်တီးနေကြပေသည်။ ထိုကဲ့သို့သော လုပ်ရပ်များသည် စစ်အာဏာရှင်ဟောင်းများ ရေးဆွဲပြဌာန်း ခဲ့သည့် ၂၀၀၈ ခုနှစ် ဖွဲ့စည်းအုပ်ချုပ်ပုံ အခြေခံဥပဒေ၏ အောက်ဖော်ပြပါ ဥပဒေနှင့်လည်း ဆန့်ကျင် နေပေသည်။

၂၀၀၈ ခုနှစ် ဖွဲ့စည်းပုံအခြေခံဥပဒေ၊ ပုဒ်မကြီး၊ ၃၆၄ တွင် ဖော်ပြထားသည်မှာ “ထို့ပြင် လူမျိုး ရေးကြောင့်သော်လည်းကောင်း၊ ဘာသာရေးကြောင့်သော်လည်းကောင်း တစ်ဖက် နှင့်တစ်ဖက်၊ တစ်ဂိုဏ်းနှင့်တစ်ဂိုဏ်း မုန်းတီးခြင်း၊ ရန်မူခြင်း၊ စိတ်ဝမ်းကွဲခြင်း တစ်မျိုး မျိုး ပေါ်ပေါက်လာစေရန် ရည်ရွယ်သော သို့မဟုတ် ပေါ်ပေါက်လာရန်အကြောင်းရှိသော အပြုအမူသည် ဤဖွဲ့စည်းပုံ အခြေခံဥပဒေနှင့် ဆန့်ကျင်သည်။ ထိုအပြုအမူမျိုးအတွက် ပြစ်ဒဏ်ပေးနိုင်ရန် ဥပဒေ ပြဌာန်း နိုင်သည်။”

သို့သော် အထက်ဖော်ပြပါ ၂၀၀၈ ခုနှစ် ဖွဲ့စည်းပုံအခြေခံဥပဒေပါ ပြဌာန်းချက်များကို ချိုးဖောက်၍ ထိုသို့သောလုပ်ရပ်များကို လုပ်ဆောင်နေသောသူများအား အောက်ခြေရှိ အုပ်ချုပ်သူ အာဏာပိုင် များအနေနှင့် ထိရောက်စွာ အရေးယူခြင်းမပြုပဲ မသိကျိုး ကျွန်ပြု၍ နေကြပေသည်။ သို့ပါ၍ ၂၀၀၈ ခုနှစ် ဖွဲ့စည်းပုံ အခြေခံဥပဒေပါ ယင်းပြဌာန်းချက်ကို ချိုးဖောက်နေကြသည့် ထိုသို့သော အုပ် ချုပ်သူ အာဏာပိုင်များအား ပြင်းပြင်းထန်ထန် ထိရောက်စွာ အရေးယူပေးပါရန်နှင့် ယခုကဲ့သို့ အပြစ်မဲ့ ပြည်သူများ၏ အသက်၊ အိုးအိမ်၊ စည်းစိမ်၊ ဂုဏ်သိက္ခာများ ပျက်စီးဆုံးရှုံးစေမည့် မြန်မာနိုင်ငံသား ဗုဒ္ဓဘာသာဝင်များနှင့် အစ္စလာမ်ဘာသာဝင်များအကြား ဘာသာရေး အဓိကရုဏ်း ဖန်တီးရန် ရည်ရွယ်၍ အစ္စလာမ်ဆန့်ကျင်ရေးလုပ်ငန်းများ ဆောင်ရွက်နေခြင်းကို ကျွန်ုပ်တို့ မြန်မာ့မုစ်လင်မ်လူထုကြီး တစ်ရပ်လုံးမှ ထပ်မံ၍ ပြင်းထန်စွာ ဆန့်ကျင်ကန့်ကွက်လိုက်ပါသည်။ ကျွန်ုပ်တို့ အစည်းအရုံးမှ လွန်ခဲ့သည့် ၂၀၁၂ ခုနှစ်၊ နိုဝင်ဘာလ (၂၂) ရက်ကလည်း ဤသို့ အလားတူ ကန့်ကွက်ခဲ့သော်လည်း အစိုးရအာဏာပိုင်များမှ မည်သို့မျှ ထိရောက်စွာ အရေးယူ ပေးခဲ့ခြင်း မရှိခဲ့ပါ။ သို့ပါ၍ စစ်အာဏာရှင်ဟောင်း နိုင်ငံတော်သမ္မတ ဦးသိန်းစိန်နှင့် ၎င်း၏ အစိုးရအဖွဲ့အစည်းအနေနှင့် ယင်းကဲ့သို့သော ရာဇ၀တ်မှုများကို ကျူးလွန်နေကြသောသူများကို ကျောသားရင်သား မခွဲခြားပဲ ပြင်းထန်စွာ ထိထိရောက်ရောက် တရားဥပဒေနှင့်အညီ အရေးယူပေးပါရန် မြန်မာ့မုစ်လင်မ်လူထုတစ်ရပ်လုံး၏ ကိုယ်စား ကျွန်ုပ်တို့မှ လေးလေးနက်နက် တောင်းဆိုလိုက်သည်။ အကယ်၍ သမ္မတဦးသိန်းစိန်ဦးဆောင်သည့် အစိုးရမှ အထက်ဖော်ပြပါ ဘာသာရေးအဓိကရုဏ်း ဖန်တီးနေကြသည့် တရားခံများအား ဥပဒေအရ ထိထိရောက်ရောက်၊ လျှင်လျှင်မြန်မြန် ဖော်ထုတ်၍ အရေးမယူခဲ့ခြင်းကြောင့် အနာဂတ်တွင် ဖြစ်ပေါ်လာနိုင်ဖွယ် ရှိနေသော ရာဇ၀တ်မှုများ၊ အကြမ်းဖက်များအတွက် ဦးသိန်းစိန်နှင့် ၎င်း၏ အစိုးရအာဏာပိုင်တို့၏ တာဝန် သာလျှင်ဖြစ်ကြောင်း လေးလေးနက်နက် ထပ်မံ၍ အသိပေး ကြေညာလိုက်ပါသည်။

လေးစားစွာဖြင့်

ဦးမောင်မောင်လှ

အထွေထွေ အတွင်းရေးမှူး
လူ့အခွင့်အရေးနှင့် တရားမျှတမှုကို
ချစ်မြတ်နိုးသော ဗမာမွတ်စလင်မ်လူငယ်များ အစည်းအရုံး

3248 Park Lane
Hawthorne, CA 90250
United States of America
Phone: +1 310 980 9111
E-mail: paletwa@yahoo.com, presidentbmyfhraj@gmail.com
https://www.facebook.com/BurmeseMuslimYouthsForHumanRightsAndJustice

PDF ဖိုင်ဖြင့် ဒေါင်း၍ ဖတ်လိုသူများအတွက် လင့်ခ်များ

http://www.scribd.com/doc/121601792/Statement-4-2013

http://www.mediafire.com/view/?374c6oejdo9egy2 — with Smart Queen and 99 others.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s