ယနေ့လူငယ်နှင့် စိန်ခေါ်မှု အသစ်များ

အဖြူရောင်မီဒီယာ‘s photo.

ယနေ့လူငယ်နှင့် စိန်ခေါ်မှု အသစ်များ

လူငယ်နှင့် စိန်ခေါ်မှု

လူရယ်လို့ ဖြစ်လာရင် ဘဝရဲ့ စိန်ခေါ်မှုတွေကို လူတိုင်း ရင်ဆိုင်ကြရပါတယ်။ အထူးသဖြင့် ဘဝရပ်တည်မှုတစ်ခု ခိုင်ခိုင်မာမာ ရရှိဖို့နဲ့ ဘဝအာမခံချက် တစ်ခု သေသေချာချာ ရရှိဖို့ ကြိုးစားနေကြတဲ့ လူငယ်တွေရဲ့ စိန်ခေါ်မှုဟာ အတွေ့အကြုံ ရင့်ကျက်နေပြီဖြစ်တဲ့ လူကြီးတွေထက် ပိုပြီး ရင်ခုန်စရာ ကောင်းပါတယ်။ ယနေ့ခေတ် ကမ္ဘာလုံးဆိုင်ရာ စီးပွားရေး စနစ်ကြီးထဲမှာ အလုပ်အကိုင်တစ်ခု အသေအချာရဖို့ ရုန်းကန် ကြိုးစားနေရတဲ့ ကမ္ဘာအရပ်ရပ်က လူငယ်တွေဟာ သူတို့ရဲ့ မိဘဘိုးဘွားတွေ မတွေ့မကြုံဖူးခဲ့တဲ့ စိန်ခေါ်မှု အသစ်တွေကို ရင်ဆိုင်နေရပါပြီ။ ဒါပေမဲ့ အဲဒီလို မျှော်လင့်မထားတဲ့ ၂၁ ရာစုနှစ်ရဲ့ စိန်ခေါ်မှုနဲ့ အန္တရာယ်တွေကို နဖူးတွေ့၊ ဒူးတွေ့ ရင်ဆိုင်ရမယ့် ယနေ့ခေတ် လူငယ်တွေဟာ သူတို့ကိုယ်သူတို့ ကာကွယ်ဖို့နဲ့ ပြဿနာတွေကို ဖြေရှင်းနိုင်ဖို့ လိုအပ်တဲ့ အဌာရသ ပညာရပ်တွေကို သင်ယူ တတ်မြောက်ခဲ့ကြပြီလား။

လူငယ်တွေအတွက် အရေးကြီးဆုံးအရာ

မျက်မှောက်ခေတ်ကာလ အရှေ့ကမ္ဘာက နိုင်ငံများဖြစ်တဲ့ အိန္ဒိယ၊ ပါကစ္စတန်၊ တရုတ်စတဲ့ နိုင်ငံတွေမှာ နေထိုင်ကြတဲ့ လူငယ်တွေဟာ အနောက်ကမ္ဘာက လူငယ်တွေလိုပဲ သူတို့ရဲ့ အနာဂတ်အတွက် အစွမ်းကုန် ပြင်ဆင်နေရပါတယ်။ ကမ္ဘာ့ လွှမ်းခြုံပြောင်းလဲမှု ဖြစ်စဉ်ကြီးဟာ ကူးသန်းရောင်းဝယ်ရေးကဏ္ဍ သာမကပဲ ပညာရေးကဏ္ဍကိုပါ အချိန်မှန်မှန် ပြောင်းလဲပေးနေ ပါတယ်။ အခုလို အချိန်မလပ် ပြောင်းလဲမှုမြန်နေတဲ့ ကမ္ဘာကြီးမှာ ဘယ်ပညာရပ်ကို တတ်ထားတာ အကောင်းဆုံးလည်း ဆိုတာကို ကမ္ဘာအရပ်ရပ်ကြောင့် လူငယ်တွေဟာ လေ့လာနေကြပါတယ်။ သို့ပေမယ့် ယနေ့ခေတ် လူငယ်တွေအားလုံး သတိမမူ၊ ဂူမမြင် ဖြစ်နေရတဲ့ ပြဿနာတစ်ရပ် ရှိပါတယ်။ တစ်ချိန်က အလုပ်ရှာတဲ့ လူငယ်တွေဟာ သိဖွယ်သိရာ ဗဟုသုတ အဖြာဖြာကို ဖြည့်ဆည်းထားရင် အလုပ်တစ်ခုရဖို့ သေချာတယ်ဆိုတဲ့ ခေတ်ဟာ မရှိတော့ပါဘူး။

မိမိနဲ့အတူ အလုပ်တစ်ခုရဖို့ ယှဉ်ပြိုင် ကြိုးစားနေတဲ့ တခြားလူငယ်တွေကို သင်ယူကျက်မှတ်ထား တဲ့ ဗဟုသုတတွေနဲ့ အနိုင်ယူနိုင်မယ့်ခေတ် ကုန်သွားပါပြီ။ အနာဂတ် ကမ္ဘာ့နိုင်ငံများရဲ့ အောင်မြင်မှုနဲ့ ကုမ္ပဏီများရဲ့ အောင်မြင်မှု၊ ပြီးတော့ လူငယ် လုပ်သားတွေရဲ့ အောင်မြင်မှုတွေဟာ အရင်က မျိုးဆက်ဟောင်းတွေ ခေတ်က ပြဿနာ ဖြေရှင်းနိုင်တဲ့ အရည်အချင်းဖြစ်တဲ့ ဝေဖန်ပိုင်းခြားနိုင်တဲ့ အတွေးအခေါ်စွမ်းရည် (Analytical Thinking) ကို အားကိုးလို့ မရတော့ပါဘူး။ ယနေ့ခေတ် လူငယ်တွေ အားလုံးဟာ မျှော်လင့်မထားတဲ့ ပြဿနာတွေကို ဖြေရှင်းနိုင်ဖို့ အသစ် ဖန်တီးနိုင်သော အတွေးအခေါ်စွမ်းရည် (Creative Thinking) နဲ့ အခြေအနေ အချိန်အခါနဲ့ လိုက်လျောညီထွေမှု ရှိအောင် စဉ်းစား တွေးခေါ်နိုင်စွမ်း (Flexible Thiking) ကိုသာ လက်ကိုင်ထားရမယ့် အနေအထားမျိုး ရောက်နေပါပြီ။ ဒီအရည်အချင်းတွေ ကသာလျှင် နောင်လာမယ့် စိန်ခေါ်မှု အသစ်တွေကို ထိထိရောက်ရောက် ရင်ဆိုင်နိုင်မှာပဲ ဖြစ်ပါတယ်။

ဗဟုသုတဆိုတာ

၂၀ ရာစုအတွင်းမှာ ကြီးပြင်းခဲ့တဲ့ လူငယ်တွေ အတွက်ကတော့ ဗဟုသုတ ဖြည့်ဆည်းခြင်းသာလျှင် အဓိက ကိစ္စတစ်ခု ဖြစ်ခဲ့ပါတယ်။ မျက်မှောက်ခေတ် ကာလမှာတော့ ဗဟုသုတဆိုတာ မီးလုံးတစ်လုံးက ထွက်လာတဲ့ မီးအလင်းရောင်နဲ့ တူသွားပါပြီ။ မီးလုံးတစ်လုံး လင်းလာဖို့ မီးခလုတ် နှိပ်တတ်ဖို့ပဲ လိုပါတယ်။ မီးခလုတ်ကို ဘယ်သူနှိပ်နှိပ် မီးလင်းတတ်တဲ့ သဘောမျိုးပဲ ဗဟုသုတဆိုတဲ့ အရာဟာ ကမ္ဘာပေါ်ရှိ မည်သည့်နိုင်ငံမှာ နေထိုင်ကြတဲ့ သူမဆို မီးခလုတ်နှိပ် သလို လွယ်လွယ်ကူကူ ရနိုင်တဲ့ခေတ် ဖြစ်နေပါပြီ။ ပညာလျှိုတဲ့ စကားလုံးကို ဒီနေ့ခေတ်မှာ သုံးလို့မရလောက်အောင်ကို ဖြစ်နေပါပြီ။ ဘယ်လိုနည်းပညာမဆို ကမ္ဘာအရပ်ရပ်ကို အလွယ်တကူ စိမ့်ဝင်ပျံ့နှံ့နေတဲ့ အခြေအနေကို ရောက်နေပါပြီ။ ဗဟုသုတတစ်ခု ရဖို့ နယ်နိမိတ် အကန့်အသတ်နဲ့ အချိန်အကန့်အသတ် ဆိုတာတွေ မရှိသလောက် နည်းပါးသွားပါပြီ။ ဘယ်နေရာ၊ ဘယ်ဒေသမှာ နေထိုင်တဲ့ သူမဆို ပညာရပ်တစ်ခုကို အလွယ်တကူ သင်ယူနိုင်တဲ့ ခေတ်ကို ရောက်နေပါပြီ။

ဘာမှန်းမသိတာကို သိဖို့လိုတယ်

အင်တာနက်ကြောင့် သတင်း အချက်အလက်နဲ့ နည်းပညာတွေဟာ ကမ္ဘာအရပ်ရပ်ကို အချိန်တို အတွင်း ပျံ့နှံ့နိုင်တဲ့အပြင် ဗဟုသုတကို အခြေခံပြီး လုပ်ရတဲ့ လုပ်ငန်းတွေဟာ ယနေ့အခါမှာ ခိုင်ခိုင်မာမာ ရှိနေပြီဖြစ်တဲ့အတွက် ယနေ့ခေတ် လူငယ်တွေဟာ ပိုမို အဆင့်မြင့်လာတဲ့ စိန်ခေါ်မှုတွေကို ရင်ဆိုင်နိုင်ဖို့ ပြင်ဆင်နေကြရပါပြီ။ ဆိုလိုတာက အသိဉာဏ် ဗဟုသုတရဖို့ဆိုတာ အခက်အခဲတစ်ခု မဟုတ်တော့ပါဘူး။ ကိုယ်သိထားတဲ့၊ ကိုယ်တတ်ထားတဲ့ ပညာရပ်တွေကို ကမ္ဘာအရပ်ရပ်မှာ ရှိတဲ့ တခြား လူငယ်တွေဟာလည်း တတ်မြောက်နေကြတယ် ဆိုတာကို ဒီနေ့လူငယ်တွေ အားလုံး ရိပ်မိနေပြီ ဖြစ်ပါတယ်။ ပညာတစ်ခုတတ်ရင် ဘဝအတွက် ဖူလုံပြီဆိုတဲ့ အခြေအနေမျိုးတောင် မဟုတ်တော့ပါဘူး။ အနာဂတ်စီးပွားရေးနဲ့ အလုပ်အကိုင်တွေကို ဖန်တီးနိုင်တဲ့ သို့မဟုတ် ဖျက်ဆီးနိုင်တဲ့ အရာဟာ အသက်မွေးဝမ်းကျောင်း အတတ်ပညာ အနည်းငယ်နဲ့ တည်ဆောက်ထားတဲ့ လုပ်သားအင်အား မဟုတ်တော့ဘဲ မမြင်ဖူးသေးတဲ့ မကြုံဖူးသေးတဲ့ စိန်ခေါ်မှုအသစ်၊ အန္တရာယ်အသစ်နဲ့ ဘယ်သူမှ မသိသေးတာကို သိအောင် လုပ်နိုင်တဲ့ လုပ်သားအင်အားနဲ့ ဖွဲ့စည်းထားတဲ့ ကုမ္ပဏီတွေ၊ အဖွဲ့အစည်းတွေပဲ ဖြစ်ပါတယ်။ ဆိုလိုတာက အနာဂတ်မှာ အောင်မြင်တဲ့ စီးပွားရေး လုပ်ငန်းတွေဟာ ဖန်တီးနိုင်မှု စွမ်းရည်ကို အခြေခံထားတဲ့ စီးပွားရေး လုပ်ငန်းတွေပဲ ဖြစ်လာမယ်ဆိုတဲ့ အချက်ပဲ ဖြစ်တယ်။

အနာဂတ် အောင်မြင်မှုတွေ အားလုံးဟာ ဝေဖန်ပိုင်းခြားနိုင်တဲ့ အတွေးအခေါ် (Analytical Thinking) ထက် အသစ်ဖန်တီးနိုင်တဲ့ အတွေးအခေါ် (Creative Thinking) ကိုပဲ အားကိုးရတော့မယ်လို့ Danial Pink ဆိုတဲ့ ပညာရှင်ဟာ ၂၀၀၅ ခုနှစ်က ထုတ်ဝေခဲ့တဲ့ လူသားတို့အတွက် ၂၁ ရာစု လိုအပ်ချက်ဆိုတဲ့ (A Whole New Mind) စာအုပ်မှာ ဖော်ပြခဲ့ပါတယ်။ ဗဟုသုတကို အခြေခံပြီးလုပ်တဲ့ အလုပ်တွေဖြစ်တဲ့ ဘဏ်လုပ်ငန်း၊ စီမံခန့်ခွဲမှုလုပ်ငန်း စတာတွေဟာ တဖြည်းဖြည်း စွမ်းဆောင်မှုမြင့်တဲ့ ကွန်ပျူတာတွေကြောင့် မှေးမှိန် ပျောက်ကွယ်သွားမယ့် အပြင် အနာဂတ် ကမ္ဘာအရပ်ရပ်မှာ ရှိတဲ့ အစိုးရတွေဟာ လုပ်သားအင်အား လျှော့ချနိုင်တဲ့ အဆင့်မြင့် နည်းပညာတွေကြောင့် အလုပ်ပြုတ်သွားမယ့် လူငယ်တွေအတွက် ကြိုတင် ပြင်ဆင်မှုတွေ အသင့် ရှိနေရပါတော့မယ်။ ပညာရပ် တစ်ခုတည်းကိုပဲ သင်ယူ ကျက်မှတ်ထားတဲ့ လူငယ်တွေဟာ ပြဿနာတစ်ခု ကြုံလာတဲ့အခါ ကိုယ်သိထားတဲ့ ဗဟုသုတကို အခြေခံပြီး ဖြေရှင်းမယ်လို့ စဉ်းစားထားမယ် ဆိုရင် အနာဂတ်မှာ ကြုံတွေ့ရမယ့် ပြဿနာတွေအတွက် ရင်လေးစရာ ဖြစ်လာပါလိမ့်မယ်။ နည်းပညာ တိုးတက် ပြောင်းလဲမှု မြန်ဆန်နေတဲ့ ကမ္ဘာကြီးမှာ နည်းပညာနဲ့ ဆက်စပ်နေတဲ့ လုပ်ငန်းတိုင်းမှာ ရှင်သန်နိုင်ဖို့ လူငယ်တွေရဲ့ စဉ်းစားတွေးခေါ်နိုင်မှုဟာ သေမနေစေဖို့ ပိုလို့ အရေးကြီးလာပါပြီ။ ယနေ့ခေတ် လူငယ်တွေ အားလုံးဟာ စိန်ခေါ်မှုတွေကို ဘက်ပေါင်းစုံက ဖြေရှင်းနိုင်မယ့် အရည်အချင်းတွေကို ဖြည့်ဆည်းထားဖို့ လိုအပ်နေပါပြီ။ ယနေ့ခေတ် လူငယ်တွေဟာ ဦးနှောက်ရဲ့ ဘယ်ဘက်အခြမ်းရော၊ ညာဘက်အခြမ်းပါ နှစ်ဘက်စလုံး အသုံးပြုနိုင်အောင် လေ့ကျင့် ထားရပါတော့မယ်။

အဖိုးတန်လူငယ်

အနာဂတ်ရဲ့ အဖိုးတန်လူငယ် ဆိုတာ ၂၀ ရာစုက လူငယ်တွေလို ပြဿနာတစ်ခုကို ရင်ဆိုင်ရာမှာ ဘာကြောင့် ဘာဖြစ်တယ်ဆိုတဲ့ ဝေဖန်ပိုင်းခြားနိုင်တဲ့ အရည်အချင်းကို ကျော်လွန်ပြီး ဖောက်ထွက် တွေးခေါ်နိုင်တဲ့ လူငယ်မျိုးပဲ ဖြစ်လာမှာပါ။ နိုင်ငံတစ်နိုင်ငံရဲ့ အစိုးရဟာ ဒီလို ပြောင်းလဲနေတဲ့ ကြောက်စရာကောင်းတဲ့ အခြေအနေကို သတိမထားမိဘဲ အိပ်ပျော်နေတယ်ဆိုရင်တောင် လူငယ်တွေဟာ သတိကြီးကြီး ရှိနေဖို့ လိုပါပြီ။ အနာဂတ်လူငယ်တွေ အားလုံးအတွက် ကြောက် စရာကောင်း တဲ့ ပြောင်းလဲမှု တစ်ခုဟာ စောင့်ကြိုနေပါပြီ။ ပိုပြီး ကျယ်ကျယ်ပြန့်ပြန့် ပြောရရင် ယနေ့ခေတ် လူငယ်တွေထက် ကြုံတွေ့လာမယ့် ကမ္ဘာ့စီးပွားရေးနဲ့ ပညာရေး အခင်းအကျင်း သစ်တွေကို ကိုယ့်ခေတ်နဲ့ကိုယ့်စနစ် ကိုက်ညီမှုရှိအောင် ကိုယ်တွယ်နိုင်အောင် ပြင်ဆင် ထားကြရပါတော့မယ်။

သူတို့ရင်ဆိုင်ရမယ့် စိန်ခေါ်မှုတွေဟာ လူကြီးတွေ ပြောပြလိုက်တဲ့ အတွေ့အကြုံတွေကို အခြေခံပြီး ဖြေရှင်းနိုင်တဲ့ အနေအထားမျိုး မဟုတ်တော့ပါဘူး။ ဗဟုသုတ အတော်အသင့်ရှိတဲ့၊ အတွေ့အကြုံ များတဲ့ လူကြီးတွေတောင် မဖြေရှင်းနိုင်တဲ့ ပြဿနာမျိုးတွေကို လူငယ်တွေ ရင်ဆိုင်ရဦး မှာ ဖြစ်ပါတယ်။ အဆင့်မြင့် နည်းပညာနဲ့ ပညာရပ်တွေကို တတ်မြောက်ထားပါတယ် ဆိုတဲ့ အနောက်နိုင်ငံတွေရဲ့ စီးပွားရေးကို ကျော်လွန်ပြီး အချိန်အနည်းငယ်အတွင်း တစ်ဟုန်ထိုး တိုးတက်ခဲ့တဲ့ အရှေ့တောင်အာရှ စီးပွားရေး အခြေအနေကို လေ့လာကြည့်ရင် ပိုပြီး သိသာနိုင်ပါ တယ်။ ဖွံ့ဖြိုးပြီးနိုင်ငံလို့ အမည်ခံထားတဲ့ အနောက်နိုင်ငံတွေဟာ သူတို့ရဲ့ပြိုင်ဘက် ကမ္ဘာ့အရှေ့ အရပ် က နိုင်ငံတွေကို ယှဉ်ပြိုင်နိုင်စွမ်းတွေ တဖြည်းဖြည်း ကျဆင်းလာနေပါပြီ။

ပျင်းစရာမကောင်းတဲ့ အနာဂတ်

ယနေ့လူငယ်တွေဟာ တက္ကသိုလ်တွေမှာ ပညာသင်ကြားတာထက် ပြောင်းလဲမှု မြန်ဆန်နေတဲ့ အနာဂတ်အတွက် မျှော်လင့်မထားတဲ့ စိန်ခေါ်မှုတွေကို အသစ် ဖန်တီးနိုင်စွမ်းတွေနဲ့ ဖြေရှင်းနိုင်ဖို့ စီးပွားရေးလုပ်ငန်းတွေက အတွေ့အကြုံတွေ ဖြည့်ဆည်းပေးမှာ ဖြစ်ပါတယ်။ လူငယ်တွေကို လမ်းအို၊ လမ်းဟောင်းကို လိုက်ဖို့ထက် လမ်းသစ်ဖောက်ဖို့ ပိုပြီးအားပေးရမှာ ဖြစ်ပါတယ်။ အနာဂတ် စီးပွားရေး လုပ်ငန်းတွေမှာ ရပ်တည် ရှင်သန်ချင်သေးတဲ့ လူကြီးတွေဟာ လူငယ်တွေ ဘေးမှာနေပြီး လူငယ်တွေရဲ့ ညွှန်ကြားချက်ကို လိုက်နာနိုင်ဖို့ အသင့်အနေအထား ရှိနေရတော့မှာ ဖြစ်ပါတယ်။ ကျွန်တော်တို့အားလုံး ကြုံတွေ့ရတော့မယ့် အနာဂတ် စိန်ခေါ်မှုတွေဟာ အကောက် အကွေ့များတဲ့ လမ်းကြောင်းတစ်ခု ဖြစ်လာမယ့်အတွက် အနာဂတ်ဟာ သိပ်ပြီးတော့ ပျင်းစရာတော့ ကောင်းမှာ မဟုတ်ပါဘူး။

လင်းသန့်
By The IT Times

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s