“ခင်ဗျားတို့လုပ်နိုင်တာ ဆုတောင်းရုံပါပဲ” – ရခိုင်ပြည်နယ်ရှိ ရိုဟင်ဂျာမွတ်ဆလင်များအပေါ် လူသားမဆန်သော ဖိနှိပ်ညှင်းပမ်းမှုများ နှင့် လူမျိုးသုဉ်းသတ်ဖြတ်မှုများ
ဆိုတဲ့ ခေါင်းစဉ်ပါ စာမျက်နှာ ၁၆၅ မျက်နှာ အစီရင်ခံစာအတွင်း မြန်မာအစိုးရအာဏာပိုင်များက ရိုဟင်ဂျာ မွတ်ဆလင်များအပေါ် လူမျိုးသုဉ်းသတ်ဖြတ်ရေးလှုပ်ရှားမှုကို ဆောင် ရွက်နေပြီး ယနေ့တိုင် စားနပ်ရိက္ခာ အကူအညီများ၊ ထောက်ပံ့ရေးလုပ်ငန်းများ မရရှိအောင် ပိတ်ဆို့ဟန့်တားထားဆဲ ဖြစ်သည်ဟု လူ့အခွင့် အရေး စောင့်ကြည့် အဖွဲ့ HRW က ဧပြီ ၂၂ရက်စွဲဖြင့် ထုတ်ပြန်လိုက်သည်။
ပြီးခဲ့သည့်နှစ် ဇွန်နှင့် အောက်တိုဘာလအတွင်း ဖြစ်ပွားခဲ့သော လူမျိုးရေးဘာသာရေး အကြမ်းဖက် တိုက်ခိုက်မှုများအတွင်း နေအိမ်မီးရှို့မှုတွေ၊ အပြစ်မဲ့ပြည် သူတွေကို သတ်ဖြတ်မှုများကို ရခိုင်နိုင်ငံရေးပါတီများ၊ ရခိုင်ရဟန်းပျိုသမဂ္ဂ အမည်ခံ ဗုဒ္ဓဘာသာဘုန်းကြီးများ နှင့် သာမာန် အရပ်သူအရပ်သားများက ၀ိုင်းဝန်း လုပ်ဆောင် ခဲ့ကြောင်း ဖေါ်ပြထားပါတယ်။ ဒါ့ပြင် လုံခြုံရေး အင်အားစုများ ဖြစ်သော ရဲ၊ လုံထိန်း၊ နစကအဖွဲ့၊ စစ်တပ်နှင့် ရေတပ်ဖွဲ့ဝင်များက ရိုဟင်ဂျာ မွတ်ဆလင် များ ကို သတ်ဖြတ်တိုက်ခိုက်မှုများအား လက်ပိုက်ကြည့်ရုံတင်မက ကိုယ်တိုင်ကိုယ်ကျ ပါဝင်ပြီး ရာဇဝတ်မှုများကို ကျူးလွန်ခဲ့သည်ဟု HRW ရဲ့ အာရှဆိုင် ရာ လက်ထောက် ဒါရိုက်တာ ဖီလ် ရော်ဘင်ဆန်က ပြောဆိုလိုက်သည်။
ပြီးခဲ့သည့် အောက်တိုဘာလအတွင်း တကျော့ပြန်အကြမ်းဖက်မှုများအတွင်း အစိုးရလုံခြုံရေး အင်အားစုများက ဓါးရှည်များ၊ ဝါးချွန်များ၊ တုတ်များ၊ လက် လုပ်သေနတ် များ ကိုင်ဆောင် ထားသည့် အင်အားစုများနှင့်အတူ ရိုဟင်ဂျာမွတ်ဆလင်များ၏ နေအိမ်များကို စီးနင်းတိုက်ခိုက်မှု၊ သတ်ဖြတ်မှု များပြုလုပ်ခဲ့ပြီး ရွာလုံး ကျွတ် ပြာ ပုံဖြစ်ခဲ့ရသည့် အဖြစ်အပျက်များ၊ ရက်ရက်စက်စက် သတ်ဖြတ်ခံထားရသူများကို စနစ်တကျ အလောင်းဖျောက်ဖျက်မှုများ ရှိခဲ့ကြောင်း အစီရင်ခံစာ က ထုတ်ဖေါ်ရေးသားထားသည်။ အဆိုပါ အစီရင်ခံစာနဲ့ပက်သက်ပြီး ရိုဟင်ဂျာများ၊ ကမန်လူမျိုးများ၊ ရခိုင်လူမျိုး နှင့် မြန်မာလူမျိုးများကို အကြိမ်ပေါင်း ၁၀၀ ကျော် တွေ့ ဆုံမေးမြန်းမှုပြုလုပ်ခဲ့ကြောင်း ဆိုပါတယ်။
ရခိုင်ပြည်နယ်အတွင်း Mass Grave ဟုခေါ်သော အစုလိုက်အပြုံလိုက် သတ်ဖြတ်ပြီး အလောင်းများ မြှုပ်နှံထားသည့် နေရာ ၄ခုကို HRW က ရှာဖွေတွေ့ရှိခဲ့ပြီး အစိုးရအာဏာပိုင်များက အလောင်းများ ဖျောက်ဖျက်ခဲ့သည်ဟု ဆိုသည်။ မြန်မာနိုင်ငံအနေဖြင့် ရခိုင်ပြည်နယ်အတွင်း အစုလိုက်အပြုံလိုက် သတ်ဖြတ်မှု၊ လူမျိုးတုံး သတ်ဖြတ်မှုများကို စုံစမ်းရန် လွတ်လပ်သော နိုင်ငံတကာစုံစမ်းစစ်ဆေးမှု ကော်မရှင်ကို ခွင့်ပြုသင့်ပြီး မြန်မာပြည်ကို ထောက်ပံ့ကူညီလိုသည့် အလှူရှင်နိုင်ငံများ အနေဖြင့် အခြေအနေမှန်ကို သိရှိနားလည်ရန် လိုအပ်နေပြီး ဖြစ်ပျက်ခဲ့မှုများအတွက် ပွင့်လင်းမြင်သာပြီး တာဝန်ခံမှုရှိသော အရေးယူမှုများ လုပ်ဆောင် ဖို့ တိုက်တွန်းကြောင်း HRW မှ ဖီလ် ရော်ဘင်ဆန်က ဆိုသည်။
HRW ရဲ့ အစီရင်ခံစာ မူရင်းကို ဒေါင်းလုတ် ရယူလိုပါက ဒီလင့်ကိုနှိပ်၍ ယူနိုင်ပါတယ် >>>
http://www.hrw.org/sites/default/files/reports/burma0413_FullForWeb.pdf
ရိုဟင်ဂျာ လူမျိုးစု အသံ 