Archive | September 27, 2012
ငါးလောင်းပြိုင်လူသတ်မှု CID သို့ လွှဲပြောင်း
ငါးလောင်းပြိုင်လူသတ်မှု CID သို့ လွှဲပြောင်း
၁၉၄၈ ခု မတိုင်မှီ | ဌေးလွင်ဦး
၁၉၄၈ ခု မတိုင်မှီ | ဌေးလွင်ဦး
မြန်မာ့သမိုင်းမှာ ရိုဟင်ဂျာ ဆိုတာ မရှိဘူးလို့ လ၀က ၀န်ကြီး ဦးခင်ရီက ပြောခဲ့ပြီး- အဲ့ဒီစကားကို ပြောစဉ်က ၁၉၇၃ ခု နောက်ပိုင်းကစတဲ့ လ၀က မှတ်တမ်းကို ပြောခဲ့တယ်။ ဗြောင်ခံငြင်းလို့ မရနိုင်တဲ့နောက် အခု တစ်ခါ ပြောလာပြန်ပါတယ်။ အဲ့ဒီလူတွေက ၁၉၄၈ မတိုင်မှီကပဲ ရှိခဲ့တာပါ။ နောက်ဝင်လာတဲ့လူ ဆိုတာ မရှိသလောက် ရှားပါတယ်တဲ့-၊ သူတို့ရဲ့ တတိယမျိုးဆက်ကို နိုင်ငံသားပေးမလိုလိုပေါ့။-
အခုတစ်လော ရခိုင်ခွဲထွက်ရေးဝါဒီတွေက- စကားစလာပြန်တယ်၊ တတိယမျိုးဆက်ကို နိုင်ငံသားပေးရင် ပေးပါ၊ သူတို့ရဲ့ အဖ (ဒုတိယမျိုးဆက်) အဖိုး (ပထမမျိုးဆက်) ကိုတော့ နိုင်ငံသားက ရုပ်သိမ်းပါ ဆိုတဲ့ သဘောတွေ ပြောနေပြတယ်။ အတော့ကို ပညာမဲ့တဲ့ အုပ်စုဖြစ်ကြောင်း သူတို့ရဲ့ စကားလုံးတိုင်းက သက်သေခံနေပါတယ်။
တစ်ဘက်မှာလည်း ဥပဒေစိုးမိုးရေး ဆိုတာကို တွင်တွင်ကျယ်ကျယ် အော်ဟစ်နေပြန်တယ်၊ သူတို့ လိုချင်တဲ့ ဥပဒေစိုးမိုးရေး ဆိုတာက မွတ်ဆလင်တွေထဲက အဘိုး၊ အဖ ဖြစ်သူများထံက မှတ်ပုံတင်များကို ချက်ချင်း ပြန်သိမ်းရမယ်။ သူတို့ကို နိုင်ငံသား မပေးရဘူးဆိုတဲ့ သဘောကို တည့်တည့်ကြီး ဖေါ်ပြနေပြန်တယ်။ ပြီးတော့ အဲ့ဒီ ဥပဒေက မွတ်ဆလင်များအတွက်သာ ဖြစ်ပြီး ဘင်္ဂလီရခိုင် အ၀ကျွန်းသားတွေနဲ့ လုံးဝ မသက်ဆိုင်သလို လို ရူးချင်ယောင် ဆောင်နေပြန်ပါတယ်။ အဲ့ဒီ ဘင်္ဂလားလူမျိုး အ၀ကျွန်းသားတွေ၊ အနောက်သားတွေကို ဘေးမဲ့ပေးထားခြင်း ဟာ ဥပဒေ အရ ဘောင်ဝင်နေသလိုမျိုး ခံစားနေပြန်တယ်။
ဒီနေရာမှာ လက်ရှိအာဏာပိုင်များကိုရော- ဥပဒေစိုးမိုးရေးလို့ အော်ဟစ်နေသူများကိုရော မေးစရာ ရှိလာပါ တယ်။ ရိုဟင်ဂျာတွေဟာ ၁၉၄၈ မတိုင်မှီကတည်းက ရှိနေတာပါ- ဆိုရင်၊ အဲ့ဒီ “မတိုင်မှီ” ဆိုတဲ့ စကားအရ အချိန်ကာလ ဘယ်လောက်ကတည်းက ရှိနေတာခဲ့တာလည်း ဖေါ်ထုတ်ဘို့ လိုပါမယ်။ ဒါမှ ပထမမျိုးဆက်ကို ဖေါ်ထုတ်လို့ ရမှာပါ။ ၁၉၄၈ ခု မတိုင်မှီ ဆိုတဲ့ စကားက ၁၉၄၇ က ဖြစ်နိုင်သလို– ၁၉၄၈ မတိုင်မှီ လွန်ခဲ့တဲ့ နှစ်ပေါင်း သောင်း၊ သိန်း၊ သန်း ကလည်း ဖြစ်နိုင်ပါတယ်။ ဒီလို အဓိပ္ပါယ် တိကျမှုမရှိတဲ့ စကားကို ပြောပြီး နိုင်ငံ သား ဖြစ်ခွင့် မသေချာတဲ့ ၈၂ ဥပဒေ နဲ့ ဆက်လက် တစ်ပါတ်ရိုက်မယ် ဆိုရင်တော့ ပြသနာက အေးဦးမှာ မဟုတ်ဘူး။
အလားတူပဲ- ဥပဒေ စိုးမိုးရေး လို့ အော်နေတဲ့ အုပ်စုကလည်း မသေချာတဲ့ ဥပဒေကို ကြိုက်သလို ပေါ်လစီ ဆွဲလို့ ရအောင် စီစဉ်ပြီးမှ- ကိုယ်ကြိုက်တဲ့ ပေါ်လစီအတိုင်း စိုးမိုးချယ်လှယ်မယ် ဆိုရင်လည်း အရှက်ကွဲ စရာ တွေ ဆက်တိုက် ကြုံရဦးမှာ ဖြစ်တယ်။
ဥပဒေ စိုးမိုးရေး ဆိုတာ ဥပဒေ တစ်ခုကို သေချာအောင် ပြဌာန်းရမယ်၊ ပြီးမှ အဲ့ဒီ ဥပဒေကို လူမျိုး ဘာသာ ကျား မ မခွဲ အားလုံးအပေါ်မှာ တစ်ပြေးညီ သက်ရောက်မှု ရှိအောင် ဆောင်ရွက်ယူရမှာ ဖြစ်တယ်။
ပြီးတော့ မြန်မာနိုင်ငံမှာ သြဇာရှိတဲ့ ခေါင်းဆောင်များ၊ ဘာသာရေးဆရာတော်များ၊ နိုင်ငံရေး သယ်ပိုးသူများ အားလုံးက- ပြသနာ တစ်ခု ဖြစ်လာရင် ဥပဒေကို စောင့်ဆိုင်းမနေဘဲ- အဲ့ဒီ ပြသနာကို ရပ်စဲသွားအောင် အရင် အဦး စီစဉ်ရမှာ ဖြစ်တယ်။ ဥပဒေ မရှိသေးလို့- သို့မဟုတ် ဥပဒေ မစိုးမိုးသေးလို့ ဆိုပြီး ခေါင်းရှောင်နေခြင်းဟာ – လူနှစ်ဦး ဓါးနဲ့ ခုတ်နေကြတာကို-၊ လွှတ်ပေးထားပြီး–၊ သူတို့ကို ဘယ်လို ဥပဒေမျိုးနဲ့ ဆုံးဖြတ်ရမလဲ၊ ဘယ်သူ့ ကို ဘယ်လို စွဲချက်တင်ရမလဲ၊ ဘယ်သူ့ကို ဘယ်လို အပြစ်ပေးရမလဲ၊ ဓါးခုတ်ခံရလို့ သေသွားရင် သေသူကို ဘယ်လို ဆေးစစ်ချက်ယူရမလဲ၊ ဘယ်သုတ်သန်မှာ သင်္ဂြီုလ်ရမလဲ- စသည်ဖြင့်၊ ဥပဒေ ပြုစုနေတဲ့ လူတစ်ဦး လိုသာ ဖြစ်နေပါတယ်။
မြန်မာပြည်သူတွေ စဉ်းစားဆင်ခြင်စေလိုတယ်။ ယောင်ဝါးဝါး ဥပဒေကို ချမှတ်လိုက်- လိုသလို ပေါ်လစီဆွဲ လိုက်နဲ့ လုပ်ချင်သလို လုပ်ပြီး လိမ်ညာကောက်ကျစ်တဲ့ စရိုက်များကို မဖျောက်ဖျက် နိုင်သ၍- အဲ့လို ခေါင်း ဆောင်များကို ရိုးသား ဖြောင့်မတ်တဲ့ ခေါင်းဆောင်များလို့ ဘယ်သူကမှ သတ်မှတ်တော့မှာ မဟုတ်ပါ။
ဌေးလွင်ဦး
မြန်မာ့ပို့ကုန်ပိတ်ပင်မှု အမေရိကန် ရုပ်သိမ်းမည်
ကုလသမဂ္ဂအထွေထွေညီလာခံမှာ မိန့်ခွန်းပြောဖို့အတွက် နယူးယောက်မြို့မှာ ရောက်ရှိနေတဲ့ သမ္မတ ဦးသိန်းစိန်ဟာ မကြာခင်အချိန်ပိုင်းကပဲ အမေရိကန်နိုင်ငံခြားရေးဝန်ကြီး ဟီလာရီကလင်တန်နဲ့ တွေ့ ဆုံခဲ့ပါတယ်။
ဗုဒ္ဓဟူးနေ့ အစောပိုင်းတုန်းကလည်း သမ္မတဦးသိန်းစိန်ဟာ ကမ္ဘာတဝှမ်း ပရဟိတ လုပ်ငန်းတွေလုပ်နေတဲ့ Clinton Global Initaitive အဖွဲ့ဥက္ကဋ္ဌ အမေရိကန် သမ္မတဟောင်း ဘီလ်၊ ကလင်တန်၊ အမေရိကန် နိုင်ငံခြားရေးဝန်ကြီးဟောင်း ဟင်နရီ ကစ်ဆင်ဂျာ၊ ထိုင်းဝန်ကြီးချုပ် ယင်းလပ် ရှင်နာဝပ်တို့နဲ့ တွေ့ဆုံဆွေးနွေးခဲ့ပါတယ်။ အခုလို တွေ့ဆုံခဲ့ရာ သမ္မတဦးသိန်းစိန် တည်းခိုတဲ့ ဟိုတယ်လ်မှာပဲ ဗွီအိုအေ မြန်မာပိုင်းက သွားရောက်ပြီးတော့ သတင်းယူနေတဲ့ ဦးရော်နီညိမ်းကို မေးမြန်းတင်ပြထားပါတယ်။
မေး။ ။ ဦးရော်နီရေ့- သမ္မတဦးသိန်းစိန်နဲ့ တွေ့ဆုံမှုကို ဦးရော်နီမြင်ရ သိရတာတွေ ပြောပြပေးပါ အုံးရှင်။
ဖြေ။ ။ ဟုတ်ကဲ့။ အခု နောက်ဆုံးတွေ့ဆုံမှုကတော့ အရေးအကြီးဆုံးပဲပေါ့နော်။ အဲဒီကနေပဲ စပြော လိုက်ပါမယ်။ အခု မိနစ်ပိုင်းကလေးကပဲ နိုင်ငံခြားရေးဝန်ကြီး ဟီလာရီကလင်တန် ပြန်လည် ထွက်ခွာ သွားခဲ့ပါပြီ။ သူက ဝန်ကြီးလေးဦးပါဝင်တဲ့ သမ္မတဦးသိန်းစိန်အဖွဲ့နဲ့ မိနစ် လေးဆယ်လောက် ဆွေးနွေး သွားပါတယ်။ အဲဒီတော့ ပြီးလို့ရှိရင် ဘာတွေ ပြောလဲဆိုတာ အကျဉ်းချုပ်ပြောပြမယ်ဆိုပြီး သံ အမတ်ကြီး ဦးသန်းဆွေက ပြောခဲ့တဲ့အတိုင်းပဲ ပြန်ပြောပြပါတယ်။
သူ ပြောတဲ့ အဓိက နှစ်ချက်က မြန်မာနိုင်ငံမှာ ပြုပြင်ပြောင်းလဲရေးတွေ လုပ်နေတာတွေကို အသိ အမှတ်ပြု ချီးကျူးတယ်၊ နောက်တခုက လူ့အခွင့်အရေးတိုးတက်မှု ရှိလာတာတွေလည်း အသိ အမှတ်ပြု ချီးကျူးတယ်။ ပြီးတော့ လူ့အခွင့်အရေးနဲ့ ပတ်သက်တဲ့ Workshop ကြီးတခုကို အမေရိကန် အစိုးရကနေပြီးတော့မှ ကမကထပြုပြီး မြန်မာနိုင်ငံမှာ လာကျင်းပပေးချင်တယ် ဆိုတာကို ပြောတယ် ဆိုပြီးတော့ သံအမတ်ကြီး ဦးသန်းဆွေက ကျနော်တို့ကို ပြန်ရှင်းပြခဲ့ပါတယ်။
ဒါပေမဲ့လည်း ဝန်ကြီးဟီလာရီကလင်တန်နဲ့အတူ လိုက်ပါလာတဲ့ နိုင်ငံခြားသတင်း ဌာ နတွေ ပြန် ပြောပြတာကတော့ အရေးအကြီးဆုံးအချက်ပေါ့နော်။ မြန်မာနိုင်ငံကနေပြီးတော့ အမေရိ ကန် ပြည်ထောင်စုကို ရောင်းချဖို့ ပိတ်ပင်ထားတဲ့ ပို့ကုန်တွေ ပိတ်ပင်ထားမှုကို ရုပ်သိမ်း လိုက်တော့ မယ် ဆိုတာကို နိုင်ငံခြားသတင်းထောက်တွေဆီကနေ တဆင့် ပြန်သိရပါတယ်။ အဲဒါ ကတော့ ကျနော်တို့ မြန်မာအစိုးရအဖွဲ့ ဝန်ကြီးတွေနဲ့ သံအမတ်ကြီးတို့ကတော့ ကျနော်တို့ကို မပြော သွားပါဘူး။ အဲဒါကတော့ အကြောင်းရှိပါလိမ့်မယ်။ ဒါပေမဲ့ ရိုက်တာအပါအဝင် တခြားသတင်းဌာနတွေ ကတော့ ပြောသွားပါပြီ။
မေး။ ။ ဟုတ်ပါပြီ။ ဦးရော်နီ-
ဖြေ။ ။ အဲဒါကတော့ ဟီလာရီကလင်တန်နဲ့ပတ်သက်ပြီး သိရတဲ့ ကိစ္စပါ။
မေး။ ။ ဟုတ်ပါပြီ၊ ဦးရော်နီ။ အဲဒီတော့ ဟီလာရီကလင်တန်နဲ့တွေ့တဲ့အခါမှာ ဒီလိုမျိုး တိုးတက်မှုတွေ ကိုတော့ သိရပြီပေါ့လေ။ ဒီကနေ့ကတော့ အမေရိကန်မှာ အခုလောလောဆယ်က ဗုဒ္ဓဟူးနေ့ပဲ ရှိသေး တယ်။ ဒီနေ့ ဗုဒ္ဓဟူးနေ့မှာ သမ္မတဦးသိန်းစိန်နဲ့ တွေ့တဲ့သူတွေထဲမှာ အခုနက ဦးရော်နီညိမ်း ပြောသွား သလိုပဲ အမေရိကန်နိုင်ငံခြားရေးဝန်ကြီး ဟီလာရီကလင်တန်ပါတယ်၊ တခါ ထိုင်းဝန်ကြီးချုပ်တို့နဲ့ လည်း တွေ့တယ်…..
ဖြေ။ ။ အဲဒီမတိုင်ခင်မှာ ပထမဆုံးပေါ့နော်- နေ့လည်နှစ်နာရီမှာ သမ္မတဟောင်း ဘီလ် ကလင် တန် ရောက်လာပါတယ်။ သမ္မတဟောင်း ဘီလ်ကလင်တန်ဟာ ဦးသိန်းစိန်နဲ့ တနာရီ နီးပါး တွေ့ ဆုံဆွေးနွေး သွားပါတယ်။ ဘာတွေ ဆွေးနွေးသွားတယ်ဆိုတာတော့ ကျနော်တို့ မသိရပါဘူး၊ နောက် တခါ နေ့လည် သုံးနာရီလောက်မှာ နိုင်ငံခြားရေး ဝန်ကြီးဟောင်း…
မေး။ ။ ဟင်နရီ ကစ်ဆင်းဂျားနဲ့….
ဖြေ။ ။ ဟင်နရီကစ်ဆင်ဂျာ မလာခင်မှာ ထိုင်းဝန်ကြီးချုပ် ယင်းလပ် ရှင်နာဝပ် အရင်လာပါတယ်။ ထိုင်းဝန်ကြီးချုပ် ယင်းလပ် ရှင်နာဝပ်လာတဲ့အခါမှာ သူကလည်း သမ္မတဦးသိန်းစိန်နဲ့ မိနစ် သုံး ဆယ် လောက် ဆွေးနွေးသွားပါတယ်။ နောက်ပြီးတော့မှ တတိယမြောက် ရောက်လာတဲ့ ပုဂ္ဂိုလ် ကတော့ ဟီလာရီကလင်တန်မတိုင်ခင် ရောက်လာတဲ့ ပုဂ္ဂိုလ်ကတော့ နိုင်ငံခြားရေး ဝန်ကြီးဟောင်း ဟင်နရီ ကစ်ဆင်ဂျာပါ။ သူကတော့ အသက်အရွယ် ထောက်နေပြီဆိုတော့ တုတ်ကောက်လေး တချောင်းနဲ့ ရောက်လာပါတယ်။ အဲဒီတော့ ဒီကနေ့မှာ သမိုင်းဝင် ပုဂ္ဂိုလ်တွေပေါ့နော်- အပါအဝင် လက်ရှိ တာဝန် ထမ်းဆောင်နေတဲ့ နိုင်ငံ့ခေါင်းဆောင် နှစ်ယောက် လို့ ပြောရမယ့် မစ္စ်ရှင်နာဝပ်နဲ့ မစ္စက် ကလင်တန် အပါအဝင် ဟင်နရီကစ်ဆင်ဂျာတို့၊ ဘီလ်ကလင်တန် တို့နဲ့ သမ္မတဦးသိန်းစိန် အစိုးရအဖွဲ့နဲ့ တွေ့ဆုံပြီးတော့ ဒီဟိုတယ်လ်က အစည်းအဝေး ခန်းမထဲမှာ ဆွေးနွေးကြပါတယ်။
မေး။ ။ ဟုတ်ပါပြီ ဦးရော်နီ။ အဲဒီတော့ တွေ့ဆုံတာက နည်းနည်း စိတ်ဝင်စားဖို့ ကောင်းတာက ဟီလာရီ ကလင်တန်တို့၊ ယင်းလပ်တို့ဆိုတာကတော့ လက်ရှိ တာဝန်ယူထားတဲ့ နိုင်ငံခြားရေး ဝန်ကြီးတွေ၊ ဝန်ကြီးချုပ်တွေပေါ့လေ။ ဒါပေမဲ့ ဘီလ် ကလင်တန်တို့၊ ဟင်နရီကစ်ဆင်းဂျာတို့ကတော့ လက်ရှိ တာဝန်ယူသူတွေ မဟုတ်တော့ သူတို့နဲ့တွေ့တာကရော ဘယ်လိုကြောင့်လို့ ဦးရော်နီ အနေနဲ့ သိရပါလဲရှင့်။
ဖြေ။ ။ ဘီလ် ကလင်တန်တို့၊ ဟင်နရီကစ်ဆင်ဂျာတို့ကျတော့ သူတို့လက်ရှိ အစိုးရတာဝန်တွေ ထမ်းဆောင်နေသူတွေ မဟုတ်ပေမဲ့လည်း အမေရိကန်အစိုးရရဲ့ မူဝါဒတွေကို အထောက်အကူပြုတဲ့ လုပ်ငန်းတွေဖြစ်တဲ့ ဖောင်ဒေးရှင်းတွေ ရှိတယ်။ ကလင်တန်ဆိုလည်း ကလင်တန်ဖောင်ဒေးရှင်း၊ ကစ်ဆင်ဂျာရဲ့ Think Tank လို အဖွဲ့တွေ ရှိတယ်။ အဲဒီကိစ္စတွေနဲ့ ပတ်သက်ပြီးတော့ ဆွေးနွေးကြ ဖွယ်ရှိတယ် လို့ မှန်းဆရပါတယ်။ အဲလိုလည်း ဖြစ်နိုင်တယ်လို့ အရိပ်အမြွတ် သိရပါတယ်။
မေး။ ။ ဟုတ်ပါပြီ ဦးရော်နီ။ နောက်ဆုံးသိချင်တာကတော့ မနက်ဖြန် အမေရိကန်ရဲ့ ကြာသာ ပတေးနေ့မှာ သမ္မတဦးသိန်းစိန်ရဲ့ ခရီးစဉ်အကြောင်း ဦးရော်နီသိထားတာ ပြောပြပေးပါအုံးရှင့်။
ဖြေ။ ။ ဟုတ်ကဲ့။ မနက်ရှစ်နာရီခွဲရင် ကုလသမဂ္ဂ အထွေထွေညီလာခံကြီးမှာ သမ္မတဦးသိန်းစိန် က မြန်မာနိုင်ငံခေါင်းဆောင်အနေနဲ့ မိန့်ခွန်းစကား ပြောကြားမှာ ဖြစ်ပါတယ်။ ညနေ လေး နာရီ ကျရင်တော့ Asia Society က ကျင်းပတဲ့ ဟောပြောပွဲမှာ သမ္မတဦးသိန်းစိန် မြန်မာနိုင်ငံဆိုင်ရာ အကြောင်းတွေကို တက်ရောက် ဟောပြောပြီးတော့ သူ့ကိုလည်း တက်ရောက်လာတဲ့ ပရိသတ် က မေးခွန်းမေးတာ၊ သူက ပြန်လည်ဖြေကြားမှာဖြစ်ပါတယ်။
မေး။ ။ ဟုတ်ပါပြီ ဦးရော်နီရေ၊ အခုလိုမျိုး ဟိုတယ်လ်မှာတင် စောင့်ကြည့်နေပြီး သတင်းပေးပို့တဲ့ အတွက် ကျေးဇူးတင်ပါတယ်။
Source: VOA
ပညာရေးအကြောင်း ကုလမှာ ဒေါ်အောင်ဆန်းစု ကြည် ဆွေးနွေးမည်
အမေရိကန်ပြည်ထောင်စုမှာ ရောက်ရှိနေခိုက် ခရီးစဉ်တလျှောက်လုံးမှာ မြန်မာနိုင်ငံရဲ့ပညာရေးစံနစ် တိုးတက်အောင် ဆောင်ရွက်ဖို့ပြောနေတဲ့ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ဟာ ဒီကနေ့ ဒေသံစံတော်ချိန် မွန်းလွဲပိုင်းမှာ ကုလသမဂ္ဂအတွင်းရေးမှူးချုပ်ကနေ ကမကထပြုပြီး ကျင်းပ မယ့် Education First ပညာရေးသာ ပထမ ဆိုတဲ့ အစည်းအဝေးပွဲမှာ ပါဝင်ဆွေးနွေးမှာ ဖြစ်ပါတယ်။
အဆင့်အတန်းမြင့်မားပြီး ကမ္ဘာ့လိုအပ်ချက်နဲ့ ကိုက်ညီမယ့် ပညာရေးစံနစ် ပေါ်ထွန်းဖို့ အတွက် နိုင်ငံ့ခေါင်းဆောင်တွေ၊ မူဝါဒ ချမှတ်သူတွေ၊ စီးပွားရေးနဲ့ လူမှုရေး အဖွဲ့အစည်းတွေက ခေါင်းဆောင်တွေလည်း ဒီဆွေးနွေးပွဲမှာ ပါဝင်ကြမှာ ဖြစ်ပါတယ်။ ဒီအကြောင်း အပြည့်အစုံ ကိုတော့ မအေးသန္တာကျော်က ဆက်ပြီး ပြောပြပေးပါရှင်။
Education First ပညာရေးသာ ပထမဆိုတဲ့ ကုလသမဂ္ဂမအတွင်းရေးမှူးချုပ်ရဲ့ Global Initiative for Education – ကမ္ဘာလုံးဆိုင်ရာ ပညာရေးအစပျိုးဆောင်ရွက်မှုကို ဒီကနေ့- စက်တင်ဘာလ ၂၆ ရက်နေ့၊ ဗုဒ္ဓဟူးနေ့ ဒေသစံတော်ချိန် မွန်းလွဲပိုင်းမှာ စတင်မှာ ဖြစ်ပါတယ်။ ကုလသမဂ္ဂရဲ့ ၆၇ ကြိမ် မြောက် အထွေထွေညီလာခံကျင်းပနေတဲ့ နယူးယောက်မြို့၊ ကုလသမဂ္ဂရုံးချုပ်က စီးပွားရေးနဲ့ လူမှုရေး ကောင်စီ ခန်းမမှာ မြန်မာနိုင်ငံက အမျိုးသားဒီမိုကရေစီအဖွဲ့ချုပ် ဥက္ကဋ္ဌ လွှတ်တော် ကိုယ်စားလှယ် ဒေါ်အောင်ဆန်းစုကြည်လည်း တက်ရောက်ပြီး ဒီကိစ္စကို ဆွေးနွေးမှာပါ။
အခုလိုမျိုး သူ့ရဲ့ ကမ္ဘာလုံးဆိုင်ရာ ပညာရေး အစပျိုးဆောင်ရွက်မှုမှာ ဒေါ်အောင်ဆန်းစုကြည် ပါ ဝင် နိုင်မယ့်အတွက် အထူး ဝမ်းမြောက်မိပါကြောင်း ကုလသမဂ္ဂ အတွင်းရေးမှူးချုပ် မစ္စတာ ဘန်ကီ မွန်းက ပြီးခဲ့တဲ့ သောကြာနေ့ကပဲ ဒေါ်အောင်ဆန်းစုကြည်နဲ့ ပူးတွဲသတင်းစာ ရှင်းလင်းပွဲမှာ ပြောကြား သွားခဲ့ပါတယ်။
“စက်တင်ဘာ ၂၆ ရက်နေ့မှာ စတင်မယ့် ကမ္ဘာလုံးဆိုင်ရာ ပညာရေးသာ ပထမ- အစပျိုး ဆောင် ရွက်မှုမှာ ဒေါ်အောင်ဆန်းစုကြည် ပါဝင်တာကို ကျနော်တို့ အထူး ကျေးဇူးတင်ပါတယ်။ ကုလသမဂ္ဂ နဲ့ မြန်မာနိုင်ငံနဲ့ ဆိုင်တဲ့ ကိစ္စရပ်တွေ၊ နိုင်ငံရေးခေါင်းဆောင်တယောက်အဖြစ်နဲ့ သူကိုယ်တိုင်နဲ့ ပတ်သက်တဲ့ ကိစ္စရပ်အတော်များများကို ကျနော်တို့ ဆွေးနွေးခဲ့ကြပြီး မြန်မာနိုင်ငံမှာ ဒီမိုကရေ စီ ပေါ်ထွန်းရေးနဲ့ ပတ်သက်ပြီးတော့လည်း ပြောဖြစ်ခဲ့ကြပါတယ်။
ဒီကနေ့ ဆွေးနွေးပွဲမှာ ပါဝင်မယ့် ဒေါ်အောင်ဆန်းစုကြည်ကလည်း အမေရိကန်ပြည်ထောင်စု ခရီးစဉ် တလျှောက်လုံး အခန်းအနားတွေမှာ မြန်မာနိုင်ငံက ပညာရေးနဲ့ပတ်သက်လို့ ထည့်သွင်းပြောကြားနေ တာ ဖြစ်ပါတယ်။ အမေရိကန်ပြည်ထောင်စုကို စက်တင်ဘာလ ၁၇ ရက်နေ့မှာ ရောက် လာခဲ့ပြီး နောက်တနေ့မှာပဲ ဗွီအိုအေ အမေရိကန်အသံ ဌာနချုပ်ကို ရောက်တာတော့ အမေရိကန် နိုင် ငံခြားရေးဝန်ကြီး ဌာနဆိုင်ရာ ဗွီအိုအေသတင်းထောက် Scott Sterns နဲ့ ရုပ်/သံမေးမြန်းခန်း မှာလည်း မြန်မာလူငယ်တွေအတွက် လက်တွေ့ကျတဲ့ ပညာရေးစံနစ် ဘယ်လောက်အထိ အရေးတကြီး လိုအပ်နေလည်း ဆိုတာကို ဒေါ်အောင်ဆန်းစုကြည် က ပြောသွားခဲ့ပါတယ်။
“ကျမတို့နိုင်ငံရဲ့ပညာရေးအဆင့်ကို မြှင့်တင်ဖို့ လိုအပ်ပါတယ်။ မူလတန်း ပညာရေးကိုပဲ ပြောတာ မဟုတ်ပါဘူး။ အလယ်တန်းရော တက္ကသိုလ်အဆင့် ပညာရေးကိုပါ ပြောတာပါ။ ကျမတို့နိုင်ငံက ပညာရေးစံနစ်က တော်တော် ညံ့ဖျင်းနေတာပါ။ ဒီနေရာမှာ မူလတန်းပညာရေးလို့ ပြောမယ် ဆိုရင်လည်း ကလေးမီးမဖွားခင်မှာကတည်းက ကိုယ်ဝန်ဆောင်မိခင်က အာဟာရပြည့်ဝတဲ့ အစားအစာတွေ စားသုံးပြီးတော့ ကလေးရဲ့ဖွံ့ဖြိုးမှု အဆင့်ဆင့်အတွက် ဂရုစိုက်ရမှာပါ။
ဒါပေမဲ့ လောလောဆယ်တော့ အသက်မွေးဝမ်းကျောင်းမှု ပညာရေးအပိုင်းကို အလေးထား ပြောချင် ပါတယ်။ ကျမတို့ နိုင်ငံမှာ ညံ့ဖျင်းတဲ့ပညာရေးစံနစ်ကြောင့် ထိခိုက်နေရတဲ့ လူငယ်တွေအတွက် အသက်မွေးဝမ်းကျောင်းမှု ပညာရေးက အထူးလိုအပ်နေတာပါ။”
ဒီကနေ့ ကျင်းပမယ့် Education First ဆွေးနွေးပွဲမှာ ကုလသမဂ္ဂအတွင်းရေးမှူးချုပ်က သူ့ရဲ့ အစပျိုး ဆောင်ရွက်မှုနဲ့ပတ်သက်လို့ အသေးစိတ် ပြောပြမယ့်အပြင် အခမ်းအနား တက်ရောက်လာကြတဲ့ နိုင်ငံ့ခေါင်းဆောင်တွေ၊ မူဝါဒချမှတ်သူတွေ၊ စီးပွားရေးနဲ့ လူမှုအဖွဲ့အစည်း ခေါင်းဆောင်တွေက ကမ္ဘာပေါ်မှာ အဆင့်အတန်းမြင့်ပြီးတော့ ကမ္ဘာ့လိုအပ်ချက်နဲ့ ကိုက်ညီမယ့်၊ လူတိုင်းပါဝင်ခွင့်ရမယ့် ပညာရေးစံနစ် ပေါ်ထွန်းဖို့ ဝိုင်းဝန်းပြီး ဆွေးနွေးကြမှာပါ။
ကမ္ဘာ့လူထုအပေါ်မှာ သြဇာ လွှမ်းမိုးထားနိုင်သူ တချို့ကလည်း ဒီ ပညာရေးသာပထမ အစပျိုးဆောင် ရွက်မှုနဲ့ ပတ်သက်လို့ ဦးစားပေး အချက် သုံးချက်ကို ပြောပြပါလိမ့်မယ်။
တစ်-အချက်က ကလေးတိုင်း ကျောင်းတက်ခွင့်ရရှိဖို့၊ ဒုတိယအချက်က ပညာရေးဆိုင်ရာ အရည် အသွေး မြှင့်တင်ဖို့နဲ့ နောက်ဆုံးတချက်က ကမ္ဘာ့လူသားတိုင်း အရည်အချင်းပြည့်မီဖို့ ဖြစ် ပါတယ်။ ဒါပေမဲ့ ကမ္ဘာ့နိုင်ငံ အတော်များများက အစိုးရတွေဟာ သူတို့နိုင်ငံသား ကလေး သန်းပေါင်း များစွာကို ပညာတတ်မြောက်အောင် ဆောင်ရွက်မပေးနိုင်တာကြောင့် ကုလသမဂ္ဂက ချမှတ်ထားတဲ့ ၂၀၁၅ ခုနှစ်မှာ ကမ္ဘာပေါ်က ကလေးတိုင်း မူလတန်းအဆင့် ပညာ တတ်မြောက်ရေး ရည်မှန်း ချက် ပြည့်ဝမှာ မဟုတ်တာ သေချာပါတယ်။ ဒါကြောင့်လည်း သူတို့ရဲ့ ရည်မှန်းချက် ပြည့်မီဖို့ ကုလသမဂ္ဂက အခု လိုမျိုး အစပျိုး ဆောင်ရွက်နေတာ ဖြစ်ပါတယ်။ ဒီကနေ့ နယူးယောက်မြို့က ကမ္ဘာလုံးဆိုင်ရာ ပညာရေးမြှင့်တင်မှုဆွေးနွေးပွဲမှာတော့ ဒေါ်အောင်ဆန်းစုကြည်အပြင် ကာတာနိုင်ငံ အကြီး အကဲ စော်ဘွားကတော်၊ ဂျော်ဒန်မိဖုရားနဲ့၊ ဗြိတိသျှ ဝန်ကြီးချုပ်ဟောင်း ဂေါ်ဒန် ဘရောင်းတို့လည်း တက်ရောက်ကြမှာ ဖြစ်ပါတယ်။
Source: VOA
သမ္မတဦးသိန်းစိန် အမေရိကန်ခရီးစဉ် သမ္မတရုံးဝန်ကြီး ဦးစိုးသိန်းနဲ့ VOA မေးမြန်းခန်း
မြန်မာသမ္မတ ဦးသိန်းစိန်အနေနဲ့ ၆၇ ကြိမ်မြောက် ကုလသမဂ္ဂ အထွေထွေ ညီလာခံကြီးမှာ စက်တင် ဘာလ ၂၇ ရက် ကြာသာပတေးနေ့ကျရင် မိန့်ခွန်းပြောကြားဖို့ရှိပါတယ်။ သမ္မတဦးသိန်းစိန်ဟာ အမေ ရိကန်ပြည်ထောင်စု နယူးယောက်မြို့ကို ရောက်ရှိလာတဲ့ မနေ့ အင်္ဂါနေ့မှာပဲ မြန်မာ့ ဒီမိုကရေ စီခေါင်းဆောင် ဒေါ်အောင်ဆန်းစုကြည်နဲ့ တွေ့ဆုံခဲ့သလို ဒီကနေ့ ဗုဒ္ဓဟူးနေ့မှာတော့ အမေရိကန် နိုင်ငံခြားရေးဝန်ကြီး ကလင်တန်နဲ့ တခြား သြဇာကြီးတဲ့ အမေရိကန်ထိပ်တန်း အရာရှိ ဟောင်းတွေနဲ့လည်း တွေ့ဆုံဖို့ ရှိပါတယ်။
အသေးစိတ်ကိုတော့ သမ္မတဦးသိန်းစိန်နဲ့အတူ လိုက်ပါလာတဲ့ သမ္မတရုံးဝန်ကြီး ဦးစိုးသိန်းကို မေးမြန်းပြီး ကိုဝင်းမင်း က တင်ပြထားပါတယ်။
မေး။ ။ မနေ့က ဒေါ်အောင်ဆန်းစုကြည် ဆွေးနွေးပွဲနဲ့ ပတ်သက်ပြီး နည်းနည်းပြောပြလို့ရမလား။
ဖြေ။ ။ နယူးယောက်မှာ အတူတူရောက်နေကြတဲ့ ကျနော်တို့ဘက်ကလည်း နိုင်ငံတော် သမ္မတကြီး၊ ဟိုဘက်ကလည်း အမျိုးသား ဒီမိုကရေစီအဖွဲ့ချုပ် ဥက္ကဋ္ဌ၊ မြန်မာ့ဒီမိုကရေစီ ခေါင်းဆောင် အမကြီးနဲ့ အတူတူ ရှိနေတော့ အမကြီးက လာပြီးတော့ နှုတ်ဆက်တာပေါ့ဗျာ။ တွေ့တယ်၊ စကားလေး ဘာလေး ပြောတယ်။ ရန်ကုန်မှာလိုပဲ၊ နေပြည်တော်မှာလိုပဲ တယောက်တယောက် ရင်းနှီးကြ တယ်လေ။ တွေ့ဆုံတယ်၊ ဒီသဘောပါ။
မေး။ ။ ဟုတ်ကဲ့။ ဒီတွေ့ဆုံပွဲမှာ အရေးပါတဲ့ တခြားကိစ္စတွေ ဆွေးနွေးဖြစ်ခဲ့တာ ရှိလား။
ဖြေ။ ။ အဲဒီကိစ္စတွေ နည်းနည်းပါးပါး ရှိပါတယ်။ သို့သော်လည်းပဲ ဒါကတော့ ထုတ်ပြန်တာ မဟုတ်တဲ့ အတွက်ကြောင့် – ကိုဝင်းမင်းရာ- ကောင်းတဲ့ တွေ့ဆုံမှုလေးလို့ လောက်ပဲ ကျနော်က ပြောချင်ပါတယ်။
မေး။ ။ ဟုတ်ကဲ့။ အဲဒီတော့ ဘယ်လို အနေအထားကောင်းတဲ့ တွေ့ဆုံမှုလေးလို့ သုံးသပ်လို့ရလဲ ခင်ဗျ။
ဖြေ။ ။ အော်- လူကြီးတွေ တွေ့တာကောင်းတာပေါ့ဗျာ။ (ရယ်သံ) အရင်တုန်းက တယောက်နဲ့ တယောက် မျက်နှာချင်းဆိုင်လို့မှ မရတာ။ အခုဟာကတော့ အတူတကွ လုပ်ဖော်ကိုင်ဘက်တွေအဖြစ် တိုင်းပြည် တိုးတက်ဖို့၊ သန်းခြောက်ဆယ်ခန့်သော ပြည်သူတွေ တိုးတက်ဖို့၊ ပညာရေး၊ ကျန်းမာရေး၊ လူမှု- စီးပွားရေး အကုန်ပေါ့ဗျာ။ ဒီအတွက် နှစ်ယောက်ရဲ့အားက နည်းတဲ့အားလားဗျာ။
မေး။ ။ ဟုတ်ကဲ့ ဝန်ကြီး၊ နောက်တခုက ဒီနေ့ တကယ့် အဆင့်မြင့် အရာရှိကြီးတဦးဖြစ်တဲ့ အမေရိကန် နိုင်ငံခြားရေးဝန်ကြီးနဲ့တွေ့ဆုံပွဲကရော ဘယ်လို ရည်ရွယ်ချက်တွေ ထားပြီးတော့ ဘာတွေ အဓိက ဆွေးနွေးဖို့ ရှိလဲမသိဘူးခင်ဗျာ။
ဖြေ။ ။ ဟီလာရီကလင်တန်နဲ့ မကြာခဏတွေ့ပါတယ်။ မကြာခဏဆိုတာ ခဏ ခဏတော့ မဟုတ် ဘူးပေါ့လေ။ ဟိုး ယခင်နှစ် ကာလတွေကတည်းကစလို့ ပြီးခဲ့တဲ့ နိုဝင်ဘာ ပထမ- ဒီလာပြီးတဲ့ နောက် ပိုင်းကတည်းက တွေ့တာပဲလေ။ တလောလေးကပဲ ကမ္ဘောဒီးယားနိုင်ငံ၊ Siem Reap မှာ ထပ်တွေ့ တယ်လေ။ အခုလည်း တွေ့တာပေါ့။ တွေ့တဲ့အခါ ကောင်းတဲ့ရလဒ်တွေချည့်ပဲ ပေါ်ပေါ် လာတာပါပဲ။ ကျနော်တို့ကလည်း ကျနော်တို့ လုပ်တာတွေနဲ့ ဆွေးနွေးကြတယ်။ သူကလည်း သူမြင်တာတွေ ဆွေးနွေးလေ့ ရှိတယ်။ ပြီးရင် အမေရိကန်အစိုးရ လုပ်သင့်လုပ်ထိုက်တာတွေလည်း သူက အမြန် အကောင်အထည် ဖော်ပေးတယ်လေ။ ဒါ- အလွန်ကောင်းတဲ့ တွေ့ဆုံမှုပေါ့။
မေး။ ။ ဟုတ်ကဲ့။ ဒီတွေ့ဆုံပွဲကနေ ဝန်ကြီးတို့ မျှော်လင့်ထားတာတွေရော ရှိပါလား။
ဖြေ။ ။ မျှော်လင့်ထားတာတွေ ပြောရမယ်ဆိုရင် ရှိတာပေါ့ဗျာ။ သို့သော်လည်း မျှော်လင့်ကောင်းတဲ့ အရာ မဟုတ်တော့ ကိုယ်က- ဒါက သူတို့အစိုးရရဲ့ကိစ္စလေ။ ကျနော်တို့ကလည်း ကျနော်တို့ ပြည်သူ လူထုအကျိုးအတွက် ပြုပြင်ပြောင်းလဲရတာကိုး။ သူတို့အပိုင်းကလည်း သူတို့ လုပ်သင့်လုပ်ထိုက်တာ လုပ်ဖို့ သူတို့ မူဝါဒတွေ ချထားတာပဲ။ သူတို့က ကျနော်တို့နဲ့ ဟန်ချက်ညီညီ လိုက်ပြီး move လုပ်မယ် ဆိုရင်တော့ အလွန်လှပတဲ့ အကျိုးကျေးဇူးကို နှစ်ဘက်လုံးရမှာပေါ့။
မေး။ ။ ဟုတ်ကဲ့ဝန်ကြီး၊ နောက်တခုက အခုခရီးစဉ်မှာ ဝန်ကြီးလေးပါးပေါ့နော်၊ နိုင်ငံခြားရေး ဝန်ကြီး ရယ်၊ ပြည်ထဲရေးနဲ့လူဝင်မှုကြိကြပ်ရေးရယ်၊ နောက် နယ်စပ်ရေးရာပေါ့နော်-ပါလာတာအပြင် လွှတ်တော် အမတ်နှစ်ဦးလည်းပါတဲ့အတွက် ဒီခရီးစဉ်မှာ နောက်ထပ်ပေါ့နော် နောက်နေ့ တွေမှာ လုပ်မယ့် အစီအစဉ်တွေမှာရော ဘယ်လိုအနေအထားတွေရှိမလဲ ဝန်ကြီးရေ။
ဖြေ။ ။ အားလုံးစုံအောင်ပေါ့ဗျာ၊ ဒီ Foreign Minister (နိုင်ငံခြားရေးဝန်ကြီး) ကတော့ သူ့ အလုပ် ကတော့ ဒီမူလအလုပ်ပေါ့။ ကျနော်တို့ ပါလာတာကတော့ Investment (ရင်းနှီးမြှုပ်နှံ မှု) နဲ့ ပတ်သက် လို့ အခြားဟာတွေမေးမယ်ဆိုရင်လည်း စီးပွားရေးလုပ်ငန်းနဲ့ နိုင်ငံရေး လုပ်ငန်းတွေ မေးရင်လည်း ကျနော်တို့က နည်းနည်းပြောမယ်။ ဝန်ကြီး ဦးခင်ရီကလည်း သူနဲ့ ပတ်သက်တဲ့ Black List (အမည် မည်းစာရင်း) ကိစ္စတွေ၊ ဗီဇာတွေ၊ တခြားမှတ်ပုံတင် ကိစ္စ တွေ၊ မှတ်ပုံတင် ဥပဒေတွေမေးရင် သူဖြေ မယ်။ အဲ့လိုပဲ ဦးသိန်းဌေးက ရခိုင်ပြည်နယ် အရေးအခင်းကို သူက နယ်စပ်ဝန်ကြီးအနေနဲ့ သွားနေတဲ့ အတွက် သိချင်တဲ့ကိစ္စတွေ In-depth (နက်နက်ရှိုင်းရှိုင်း) ပေါ့လေ၊ သူတို့က ဖြေနိုင်ဖို့ အတွက် ခေါ် လာခြင်းဖြစ်ပါတယ်။
အလားတူပဲ လွှတ်တော်ကိုယ်စားလှယ် နှစ်ဦးဖြစ်တဲ့ ကယားပြည်နယ်က ဦးစုရယ်၊ ကရင်ပြည် နယ်က ဦးထွန်းမြတ်အောင်၊ သူတို့ကလည်း UN (ကုလသမဂ္ဂ) မှာ တက်ရောက် နားထောင်ပြီးတော့ exposure (ထိတွေ့မှု) တွေရပြီးတော့ ဗဟုသုတတွေ ပိုရလာစေဖို့ ကျနော်တို့က ဒီလို ဖွဲ့စည်းဆောင်ရွက်လာခြင်းဖြစ်တယ်လို့ ပြောလိုပါတယ်။
မေး။ ။ ဝန်ကြီးအနေနဲ့လည်း မြန်မာ community (အသိုင်းအဝိုင်း) နဲ့လည်းတွေ့မယ်ပေါ့ နော်၊ သမ္မကြီး က မတွေ့နိုင်သော်လည်းပဲ အဲ့လို ကြားထားတာ ရှိပါတယ်။ စနေနေ့မှာလို့ ကြားထားပါတယ်။ အဲ့ဒီတော့ ဒီခရီးစဉ်တခုလုံးကနေပေါ့နော်၊ ဝန်ကြီးတို့အနေနဲ့ ဘယ်လို အကျိုးကျေးဇူးတွေ ရဖို့ မျှော်လင့်ထားပါလဲ။
ဖြေ။ ။ ကျနော်တို့ကတော့ သမ္မတကြီးလုပ်နေတဲ့ Message (သတင်းစကား) တွေကို UN မှာ officially (တရားဝင်) ပေးလိုက်မှာပေါ့။ ဒါက တကမ္ဘလုံးက ဒီ Message အပေါ်မှာ သုံးသပ် ကြမယ်၊ အကဲဖြတ်ကြမယ်၊ ဒါက လုပ်ငန်းကြီးတခုပေါ့။ ကျနော်တို့ ရောက်တဲ့အခါမှာ မီဒီယာအဆင့်ဆင့်က ကျနော်တို့ကို မေးနေတာတွေ ကျနော်တို့က ပိုပြီးတော့ Transparency ဖြစ်ဖြစ်၊ ပွင့်ပွင့်လင်း လင်း မြင်မြင် သာသာ သူတို့မေးတာတွေကို ကျနော်တို့ ရှင်းပြလျှက် ရှိတယ်။ အခု ခင်ဗျားမေး သလိုပေါ့။ မေးတော့ ကျနော်တို့ ပြောတာပေါ့။ အလားတူပဲ သက်ဆိုင် တဲ့ community ပေါ့။ US မှာရှိတဲ့ မြန်မာအသိုင်းအဝိုင်းနဲ့ ကြုံရင်ကြုံသလို ကျနော်တို့ မေးမြန်း ဖြေကြားတာတွေ ဆောင်ရွက် မယ်၊ တခြား US က Civil Society တွေဖြစ်တဲ့ တခြားဟာတွေ ပေါ့။ Asian Society တို့လို၊ US Asean Business Council တို့လို၊ US Chambers Commerce တို့လို စသဖြင့် ဒါတွေလည်း ကျနော်တို့ ထိတွေ့သွားမယ်လေ။ ဒါလေးတွေကို ကျနော်တို့ အလျဉ်းသင့်သလို ဆောင်ရွက်သွားဖို့ ရှိပါတယ်လို့ ပြောချင်ပါတယ်။ ဒီကိုလာတဲ့ ရည်ရွယ်ချက်ကတော့ UN မှာ နိုင်ငံတော် သမ္မတအနေ နဲ့ ပြောသင့်ပြောထိုက်တာတွေ၊ တင်ပြသင့် တင်ပြထိုက်တာတွေ တင်ပြခွင့်ရဖို့အတွက် လာတဲ့ ခရီးစဉ်ပဲဖြစ်ကြောင်း ပြောကြားလိုပါတယ်။
မေး။ ။ ဟုတ်ကဲ့၊ ကျေးဇူးအများကြီးတင်ပါတယ် ဝန်ကြီးခင်ဗျား။
ဖြေ။ ။ ကောင်းပါပြီ ခင်ဗျ။
Source: VOA
BROUK Appeal to World body to put pressure on President Thein Sein’s Rohingya ethnic cleansing proposal
Today, Burmese Rohingya Organisation UK appeals to world leaders at the UN General Assembly to put pressure on President Thein Sein following his proposal to remove all Rohingya people from Burma and place them in third countries.
After President Thein Sein’s proposal, Burmese Rohingya Organisation UK (BROUK) has received reports till today that there have been mass arrests with Rohingya people kept in detention camps without trial, without food or medical services. More than 100,000 people were internally displaced, and for a significant period the vast majority was not receiving assistance because they are ethnic Rohingya. Unacceptable restrictions still remain, and the government is also failing to provide sufficient security for aid workers assisting Rohingya who have been threatened. Local authorities are refusing to allow many Rohingya people back to some villages, shops and homes in a policy that appears designed to ‘cleanse’ these areas of Rohingya people. There are some reports of mass graves in Maungdaw and Buthidaung Townships, Arakan State.
It is clear that what has taken place is very serious indeed. The United Nations, Organisation of Islamic Co-operation, and many individual governments, have all called for an independent investigation into what has and continues to take place. While the government has allowed some diplomats to visit the area, these visits have faced severe restrictions by the government of Burma, and there have been reports that Rohingya community leaders have been detained before hand to prevent them from meeting diplomats. The government of Burma has established its own investigation, but there are no Rohingya members of the investigation, and some members have masterminded recent violence in Arakan and stated that they think all Rohingya should be expelled from Burma.
Following restrictions placed upon the OIC and other investigators, and the failure of the government of Burma to establish a credible independent investigation, it has become clear that for an independent investigation to take place, it will have to be under the support of the United Nations, and with a strong mandate from the United Nations General Assembly.
During President Thein Sein’s trip to New York for the UN General Assembly meeting, the United States Government and world leaders should be clear that more decisive action is needed to fulfill Burma’s international obligation to protect the Rohingya. It is very clear that President Thein Sein’s reforms are not genuine and just to show to the international community to ease sanctions. There are serious human rights violations going on in ethnic areas which are worse than under the previous dictator Than Shwe. The world leaders must not ignore ethnic cleansing of Rohingya Muslims and other ethnic groups such as Kachin and Chin Christians. It is too early to remove sanctions as Thein Sein’s government is practicing ethnic cleansing on ethnic areas.
BROUK President Tun Khin said, “After the violence more than one thousand Rohingyas were arrested and many of them were killed and disappeared. During the last few days, the police have prepared new warrant lists to arrest Rohingyas from the villages of surrounding Maungdaw Town, Arakan State. This is a new strategy of President Thein Sein to eliminate Rohingyas from Arakan. We Rohingyas need urgent safety, security and humanitarian aid in Arakan State”.
President of BROUK also said “We appeal to world leaders to put pressure on President Thein Sein to provide safety and security and to restore Rohingya ethnic rights and citizenship rights. We also appeal to world leaders to ensure strong wording in the UN General Assembly Resolution on Burma, including reform of the 1982 Citizenship Law and the establishment of a UN Commission of Inquiry into what has taken place in Arakan State.”
Mr Tun Khin
Ph: +44 7888 714 866
Email: brorg.london@gmail.com
Burmese Citizenship Question | National Democratic Party for Development (NDPD)
Relief aid ship finally sets sail
Relief aid ship finally sets sail
ပထမအကြိမ်ပြည်သူ့လွှတ်တော် ပဉ္စမပုံမှန်အစည်းအဝေး ကျင်းပရန်ခေါ်ယူခြင်း …
Popular Myanmar News Journal added 2 new photos.
Abdullah briefed on Rohingyas
Abdullah briefed on Rohingyas